အကြမ်းဖက်စစ်တပ်အာဏာသိမ်းပြီးနောက်ပိုင်း မတ ရားဖမ်းဆီးခံရတဲ့သတင်းသမား ၁၀၁ဦးအနက် ၆၆ ဦး ပြန်လည်လွတ်မြောက်လာပေမယ့် ၃၅ဦးမှာ ဆက်လက်ဖမ်းဆီးခံထားရဆဲဖြစ်တယ်လို့ Myanmar Press Freedom In-Depthက ဒီနေ့(အောက်တိုဘာ ၂၁)ထုတ်ပြန်ပါတယ်။
မကြာသေးမီက နိုင်ငံတဝန်းမတရားဖမ်းဆီးခံခဲ့ရသူ ၅၀၀၀ကျော်ကို အကြမ်းဖက်စစ်ကောင်စီက ပြန်လွှတ်ပေးရာမှာ သတင်းသမား ၁၇ဦးပါဝင်ခဲ့ပါတယ်။
ဒါပေမယ့် အမေရိကန်နိုင်ငံသား Frontier Myanmar အယ်ဒီတာ ဒန်နီဖန်စတာအပါအဝင် သတင်းသမား ၃၅ ဦးကိုတော့ အကြမ်းဖက်စစ်ကောင်စီက မတရားသဖြင့် ဆက်လက်ချုပ်နှောင် ဖမ်းဆီးထားဆဲဖြစ်တယ်လို့ MPFI-Dက စာရင်းပြုစုထုတ်ပြန်ပါတယ်။
အကြမ်းဖက်စစ်တပ်အာဏာသိမ်းချိန်ကစလို့ မြန်မာ နိုင်ငံရဲ့သတင်းမီဒီယာလွတ်လပ်ခွင့်ဟာ ဆုံးရှုံးသွားခဲ့ပြီး သတင်းသမားတွေဟာလည်း အခက်အခဲ၊ အကန့် အသတ်များကြားကနေ အလုပ်လုပ်နေခဲ့ရပါတယ်။
Public Service Announcement
နိုင်ငံတကာသတင်းမီဒီယာအဖွဲ့အစည်းတွေက မြန်မာ နိုင်ငံမှာ သတင်းလွတ်လပ်ခွင့်ပေးဖို့နဲ့ မတရားဖမ်းဆီးခံထားရတဲ့ သတင်းသမားတွေကို ပြန်လွှတ်ပေးလို့ အမြဲမပြတ်တောင်းဆိုနေပါတယ်။
