ပြည်သူများအနေဖြင့် အကြမ်းဖက်စစ်အုပ်စု ထောက်ခံပွဲ ပြုလုပ်ရာ အနီးတ၀ိုက်သို့ သွားလာခြင်းမပြုရန် မကွေးတိုင်းအခြေပြု PDF မိတ်ဖက်အဖွဲ့များက ပူးတွဲထုတ်ပြန်သည်။
အောက်တိုဘာ ၂၅ရက်တွင် နေရာအချို့၌ အကြမ်းဖက်စစ်အုပ်စုနောက်လိုက်များက အကြမ်းဖက်စစ်အုပ်စုထောက်ခံပွဲများ ပြုလုပ်လျက်ရှိရာ လူထုတော်လှန်ရေး ပုံရိပ်ကို ထိခိုက်သေးသိမ်အောင် ဆောင်ရွက်ခြင်းဟု မှတ်ယူကြောင်း ဖော်ပြထားသည်။
ထို့ကြောင့် ပြည်သူများအနေဖြင့် ထိခိုက်မှု တစ်စုံတရာမရှိစေရန်အတွက် အဆိုပါ အကြမ်းဖက်စစ်အုပ်စု ထောက်ခံပွဲများ ပြုလုပ်သည့်နေရာနှင့် အနီးတ၀ိုက်အတွင်း သွားလာ လှုပ်ရှားမှုများ မပြုလုပ်ကြရန် တော်လှန်ရးအင်အားစုများက မေတ္တာရပ်ခံကြောင်း ထုတ်ပြန်ခဲ့သည်။
အဆိုပါ ထုတ်ပြန်ချက်ကို ပြည်သူ့တော်လှန်ရေးတပ်မတော်(မကွေး)၊ ပွင့်ဖြူ PDF ၊ ဗိဿနိုး PDF၊ စလင်း PDF၊ မကွေး PDF၊ No Chair Guerrilla စသည့်အဖွဲ့များ ပူးပေါင်းထုတ်ပြန်ခဲ့ခြင်းဖြစ်သည်။
Public Service Announcement
ထို့အပြင် ပူတာအိုခရိုင် ပြည်သူ့ကာကွယ်ရေးတပ်ဖွဲ့ကလည်း ပူတာအိုမြို့၌ အကြမ်းဖက်စစ်ကောင်စီ ထောက်ခံပွဲ ပြုလုပ်ခဲ့ခြင်းအပေါ် ထုတ်ပြန်သည်။
အကြမ်းဖက် စစ်ကောင်စီထောက်ခံပွဲတွင် ပါဝင်သူများ အားလုံးကို ပြင်းထန်စွာရှုတ်ချကြောင်း၊ ထိုသူများသည် ယနေ့မှစ၍ အကြမ်းဖက်သမားများအဖြစ် သတ်မှတ်သွားမည်ဖြစ်ကြောင်း ထုတ်ပြန်ခဲ့သည်။
(ပြင်ဦးလွင်မြို့တွင် တပ်မတော်ထောက်ခံပွဲ ယနေ့ပြုလုပ်နေစဥ်၊ ဓာတ်ပုံ – CJ)
