စစ်ကိုင်းတိုင်း ကောလင်းမြို့နယ် ရွှေဘို – မြစ်ကြီးနား ကားလမ်းတွင် တရားမဝင်သစ်များ တင်ဆောင်လာသည့် ၁၂ဘီးကားတစ်စီးကို ကောလင်း ပြည်သူ့ကာကွယ်ရေးတပ်ဖွဲ့(KLPDF) မှ ဖမ်းဆီးမီးရှို့ဖျက်ဆီးလိုက်ခြင်းနှင့်ပတ်သက်၍ ရှင်းလင်းချက်ကို KLPDFက ထုတ်ပြန်သည်။
အောက်တိုဘာ ၂၅ရက်က ဖမ်းမိသည် သစ်ကားနှင့် တရားမဝင်သစ်များ ဖျက်ဆီးခဲ့ခြင်း၏ ရည်ရွယ်ချက်ကို KLPDFက ထုတ်ပြန်ရာတွင် ဖမ်းဆီးရမိသည့် တရားမဝင် သစ်များကို သယ်ယူထိန်းသိမ်းရန် အခက်အခဲရှိခြင်း၊ တရားမဝင်သစ်သယ်ယူရောင်းချ ကုန်သွယ်မှု ကွင်းဆက်ကို ဖြတ်တောက်လိုခြင်း တို့ကြောင့်ဖြစ်သည်ဟု ဖော်ပြထားသည်။
နိုင်ငံတကာတွင်လည်း တောရိုင်းတိရိစ္ဆာန်များနှင့် သဘာ၀အပစ်များ ကုန်သွယ်ခြင်းကို ကွင်းဆက်ဖြတ်တောက်သည့် အနေဖြင့်ဖမ်းဆီးရမိသည့် တောရိုင်း တရိစ္ဆာန်များနှင့် သဘာ၀ အပင်အစိတ်အပိုင်းများကို မီးရှို့ဖျက်ဆီးသည့် လုပ်ထုံးလုပ်နည်းများ ရှိကြောင်း၊ထို့ကြောင့် တရားမဝင်သစ်များကို မီးရှို့ဖျက်ဆီးခဲ့ခြင်ဖြစ်ကြောင်း ထုတ်ပြန်သည်။
ကားကိုမီးရှို့ဖျက်ဆီးခြင်းမှာ နောက်ထပ်သော တရားမဝင်လုပ်ငန်းများ လုပ်ကိုင်လာမည့် လောဘသားများကို ပြင်းထန်စွာ အသိပေးခြင်း စံပြအဖြစ်လုပ်ပြခြင်းဖြစ် ကြောင်း KLPDFက ဆိုသည်။
Public Service Announcement
တရားမဝင်လုပ်ငန်းမှ သိမ်းဆည်ရမိသည့် ဆက်စပ်ပစ္စည်းများကို KLPDF မှ မိမိတို့ အကျိုးအတွက် အသုံးချရန်မရှိကြောင်း ဖြေရှင်းလိုက်သည်ဟု လည်း ဖော်ပြထားသည်။
ကောလင်း PDFသည် အောက်တိုဘာ ၂၂ရက်ကလည် ကောလင်းအနောက်ခြမ်းတွင် မူးယစ်ဆေးဝါး ဘိန်းဖြူ များ သယ်ဆောင်လာသည့် တရားခံများကို ဖမ်းဆီးခဲ့ပြီး ပထမအကြိမ် သတိပေးသည့် အနေဖြင့် ကြိမ်ဒဏ် ၅ချက်နှင့် ဝန်ခံကတိ လက်မှတ်ရေးထိုးစေကာ မူးယစ်ဆေးဝါးများကို ဖျက်ဆီးခဲ့သည်ဟု ထုတ်ပြန်ထားသည်။
