လက်နက်အပြည့်အစုံဖြင့် ပြည်သူ့ရင်ခွင်ခိုဝင်လာသည့် အကြမ်းဖက်စစ်ကောင်စီတပ်မှ တပ်ကြပ်ကြီးအား ငွေကျပ်သိန်းငါးဆယ်ချီးမြှင့်ခဲ့ရာ ၎င်းတပ်ကြပ်ကြီးက PDFသို့ ငွေကျပ် ၁၅ သိန်း ပြန်လှူခဲ့သည်။
၂၀၂၁ ခုနှစ် စက်တင်ဘာလ ၂၁ ရက်နေ့တွင် ဟားခါးအခြေစိုက် အကြမ်းဖက်စစ်ကောင်စီတပ်ရင်း ခလရ ၂၆၆၊ တမူးရှေ့တန်းစခန်းရုံး၏ တပ်ကြပ်ကြီးစာရေးတာဝန်ထမ်းဆောင်သူ တ ၅၃၉၇၀၂ ခေါဂေလိန်းသည် MA 3 သေနတ်တစ်လက်၊ ကျည်အိမ် ၃ ခု၊ ကျည်ဆံ ၂၀၀၊ လက်ပစ်ဗုံးတစ်လုံးနှင့်အတူ ပြည်သူ့ကာကွယ်ရေးတပ်ဖွဲ့၊ တမူးမြို့ တပ်ရင်း ၁ သို့ လာရောက်ပူးပေါင်း၍ ပြည်သူ့ရင်ခွင်ခိုလှုံခဲ့ကြောင်း ပြည်သူ့ကာကွယ်ရေးတပ်ဖွဲ့၊ တမူးမြို့ တပ်ရင်း ၁၊ People Defense force (Tamu)က အသိပေးကြေညာသည်။
ထိုသို့လာရောက်ပူးပေါင်းမှုအတွက် ပြည်သူ့ကာကွယ်ရေးတပ်ဖွဲ့၊ တမူးမြို့ တပ်ရင်းတပ်ဖွဲ့များမှ နွေးထွေးစွာ ကြိုဆိုခဲ့ကြပြီး ၎င်းအား ငွေကျပ်သိန်းငါးဆယ်တိတိ ဆုကြေးငွေအဖြစ်ပေးအပ်ခဲ့ကြောင်း
၊ သို့ရာတွင် ပြည်သူ့ရင်ခွင် ခိုဝင်လာသည့် ခေါဂေလိန်းက ၎င်းရရှိသည့်ဆုကြေးငွေကျပ်သိန်းငါးဆယ်ထဲမှ ဆယ့်ငါးသိန်းတိတိအား PDFတမူးသို့ပြန်လည်လှုဒါန်းခဲ့ကြောင်း PDF တမူးက ပြောသည်။
PDFတမူးမှလည်း ၎င်းသွားရောက်လိုသည့်နေရာသို့ လုံခြုံဘေးကင်းစွာ ရောက်ရှိစေရန် တာဝန်ယူမှု၊ တာဝန်ခံမှုအပြည့်ဖြင့် ပို့ဆောင်ပေးခဲ့ပြီးဖြစ်ကြောင်း၊ ယခုကဲ့သို့ CDM ပြုလုပ်၍
ပြည်သူ့ရင်ခွင် ခိုဝင်လိုသော ပြည်သူ့စစ်သားများနှင့် ပြည်သူ့ရဲများအား အသိပေးလိုသည်မှာ လက်နက်အပြည့်အစုံဖြင့် လာရောက်ပူးပေါင်းပါက PDF တမူး တပ်ရင်း ၁ က ကျပ်သိန်းငါးဆယ်ချီးမြှင့်မည်ဖြစ်ပြီး ဆက်သွယ်လိုပါက People Defense force (Tamu) တပ်ရင်း (၁)၏ page messenger သို့ဆက်သွယ်နိုင်ကြောင်း ၎င်းတို့က အသိပေးထားသည်။
Public Service Announcement
