Connect with us

Hi, what are you looking for?

LuduNwayOo

News

ကရင်ပြည်နယ်နေ့ပွဲတော်ကျင်းပဖို့စီစဥ်နေတဲ့စစ်ကောင်စီက ဘားအံမှာ ပုဒ်မ ၁၄၄ ထုတ်ပြန်

ဘားအံမြို့နယ်အတွင်း လမ်းမကြီးနဲ့ အများပြည်သူသွားရာလမ်း လမ်းသွယ်၊ လမ်းကြား၊ ဥယျာဉ်နဲ့ အများပြည်သူနဲ့ ဆိုင်တဲ့နေရာတွေမှာ လူ ၅ ဦး ဒါမှမဟုတ် ၅ ဦးထက်ပိုပြီး စုဝေးတာမပြုလုပ်ဖို့၊ ည ၁၀ နာရီကနေ မနက် ၄ နာရီအထိ ညမထွက်ရအမိန့်ကို ပြည်နယ်စစ်ကောင်စီက ထုတ်ပြန်လိုက်ပါတယ်။

ကရင်ပြည်နယ်နေ့ပွဲတော်ကို ကျင်းပဖို့စီစဉ်နေတဲ့ စစ်ကောင်စီက ဘားအံမြို့နယ်အတွင်းမှာ လူစုလူဝေးမလုပ်ဖို့ နိုဝင်ဘာ ၁ ရက်ရက်စွဲနဲ့ ပုဒ်မ ၁၄၄ အမိန့်ထုတ်ပြန်လိုက်တယ်လို့ သတင်းရရှိပါတယ်။

အခုချိန်ခါမှာ ဘားအံမြို့နယ်ထဲမှာ လူတချို့ဟာ လုံခြုံရေးနဲ့ တရားဥပဒေစိုးမိုးရေးကို ထိခိုက်ပျက်ပြားစေဖို့ ပြုမူဆောင်ရွက်နေတာကို တွေ့ရှိရတဲ့အတွက် အဲ့ဒီလိုပြုမူဆောင်ရွက်နေတာတွေဟာ တည်ငြိမ်အေးချမ်းရေးနဲ့ လုံခြုံရေး၊ တရားဥပဒေစိုးမိုးရေး၊ ရပ်ရွာအေးချမ်းသာယာရေးကို ထိခိုက်စေပြီး ရုန်းရင်းဆန်ခတ်မှုတွေ ဖြစ်ပွားစေနိုင်တယ်လို့ ပြည်နယ်စစ်ကောင်စီရဲ့ထုတ်ပြန်ချက်ထဲမှာပါရှိပါတယ်။

ဒါကြောင့် ဘားအံမြို့နယ်အတွင်းမှာ စုဝေးဟောပြောတာ၊ ယာဉ်တစ်မျိုးမျိုးကို အသုံးပြုတာ၊ လူကိုယ်တိုင်ဖြစ်စေ စီတန်းလှည့်လည်တာ၊ လှုံ့ဆော်ဆန္ဒပြတာ ဖျက်ဆီးတာနဲ့ရုန်းရင်းဆန်ခတ်ပြုမူတာတွေကို မပြုလုပ်ဖို့ ပြည်နယ်စစ်ကောင်စီက အမိန့်ထုတ်ပြန်တားမြစ်လိုက်တာပါ။

ဘားအံမြို့နယ်အတွင်း လမ်းမကြီးနဲ့ အများပြည်သူသွားရာလမ်း လမ်းသွယ်၊ လမ်းကြား၊ ဥယျာဉ်နဲ့ အများပြည်သူနဲ့ ဆိုင်တဲ့နေရာတွေမှာ လူ ၅ ဦး ဒါမှမဟုတ် ၅ ဦးထက်ပိုပြီး စုဝေးတာမပြုလုပ်ဖို့၊ ည ၁၀ နာရီကနေ မနက် ၄ နာရီအထိ ညမထွက်ရအမိန့်ကို ပြည်နယ်စစ်ကောင်စီက ထုတ်ပြန်လိုက်ပါတယ်။

Public Service Announcement

Public Service Announcement

အရင်ကတော့ ဘားအံမြို့နယ်ထဲမှာ ည ၈ နာရီကနေ မနက် ၄ နာရီအထိ ညမထွက်ရ အမိန့်ထုတ်ပြန်ထားရှိတာဖြစ်ပါတယ်။

ဒီအမိန့်ဟာ နောက်ထပ်အမိန့် တစ်စုံတစ်ရာ မထုတ်ပြန်မချင်း အတည်ဖြစ်စေတယ်လို့ စစ်ကောင်စီရဲ့လက်အောက်ခံ ထွေအုပ်ဌာနက အမိန့်ထုတ်ပြန်လိုက်တာပါ။

ပြီးခဲ့တဲ့ ရက်ပိုင်းကပဲ ဘားအံမြို့နယ်ထဲမှာ စစ်ကောင်စီထောက်ခံပွဲကို လူဦးရေအများအပြားနဲ့ စုဝေးကျင်းပြခဲ့သေးတာဖြစ်ပြီး အခုလာမယ့် ပြည်နယ်ပွဲတော်မှာလည်း စစ်ကောင်စီက လူစုလူဝေးနဲ့ ကျင်းပပြုလုပ်သွားဦးမှာဖြစ်ပါတယ်။

ဆက်စပ်သတင်းများ

သတင်း

RCSSသည် စစ်ကောင်စီနှင့် ထိတွေ့ဆက်ဆံလျက်ရှိသည့် ရှမ်းတပ်ဖွဲ့ဖြစ်ပြီး စစ်တပ်အာဏာသိမ်းပြီးနောက် စစ်ကောင်စီနှင့် တိုက်ပွဲဖြစ်ပွားမှု မရှိပေ။

သတင်း

မိုးကုတ်မြို့အရှေ့ပိုင်း ကြက်ခြံနှင့် အမှိုက်ပုံနေရာအနီးတဝိုက်တွင် စစ်ကောင်စီတပ် လပခ၊ ခလရ (၇၁၊၈၈)နှင့် တအာင်းတပ်မတော် TNLA တို့ တိုက်ပွဲဖြစ်ပွားခဲ့သည်ဟု ဆိုသည်။

သတင်း

ပစ်ခတ်ခံရသူမှာ စဥ့်ကူးမြို့ ပဲလှော်ဖိုဆိုင်မှ အသက်(၆၀)ကျော်အရွယ် ဦးထွန်းမင်း(ခ)ဦးထုတ်ကြီးဆိုသူဖြစ်ပြီး သေဆုံးခြင်းရှိ၊မရှိ မသိရသေးပေ။

သတင်း

ဗီဒီယိုတွေထဲက ပုံရိပ်တွေအရ နှိပ်စက်ညှင်းပန်းမှု၊ ရိုက်နှက်မှု၊ ရှော့ရိုက်မှု၊ လိင်အကြမ်းဖက်မယ်လို့ ခြိမ်းခြောက်မှုစတဲ့ လုပ်ရပ်တွေ ကျူးလွန်နေတာ၊ အမျိုးသမီး ၂ ဦး အပါအဝင် ထိန်းသိမ်းခံရသူ ၄၈ ဦးလောက် ရှိနေတာတွေကို ဆန်းစစ် အတည်ပြုနိုင်ခဲ့တယ်လို့လည်း Fortify Rightsက ဖော်ပြသွားခဲ့ပါတယ်။