အာဏာသိမ်းစစ်ကောင်စီ လက်လောက်မှ ရုန်းထွက်ပြီး ပြည်သူ့ဘက် ရပ်တည်လာသော ပြည်သူ့စစ်သား ကောင်းများကို လက်နက်အပြည့်အစုံပါ၊မပါနှင့် ရာထူးကြီးငယ်အပေါ်မူတည်ပြီး ကျပ် ၅သိန်းမှ ကျပ်သိန်း ၃၀၀ အထိ ချီးမြှင့်မည်ဟု ကောလင်းမြို့နယ် ပြည်သူ့ကာ ကွယ်ရေးတပ်ဖွဲ့(KLPDF)က ယနေ့(နိုဝင်ဘာ၅) ထုတ်ပြန်သည်။
ပြည်သူ့ဘက်ရပ်တည်လာသော ပြည်သူ့စစ်သားကောင်းများအား ပြည်သူက စေတနာအဖြစ် ပေးအပ်သော အထောက်အပံ့များအဖြစ် လက်နက်အပြည့်အစုံပါသော တပ်သားကို ကျပ်သိန်း ၅၀၊ လက်နက်အပြည့်အစုံပါ ဗိုလ်အဆင့်ကို ကျပ်သိန်း ၁၀၀၊ လက်နက်အပြည့်အစုံ ဒုတပ်ရင်းမှူးကို ကျပ်သိန်း ၂၀၀ ၊ လက်နက်အပြည့်အစုံပါ တပ်ရင်းမှူးကို ကျပ်သိန်း ၃၀၀ ပေးအပ်သွားမည်ဖြစ်ပြီး အလွတ်တပ်သားကို ကျပ် ၅သိန်း ပေးအပ်မည်ဟု ထုတ်ပြန်သည်။
အကြမ်းဖက် စစ်ကောင်စီ လက်အောက်မှ အကြောင်းအမျိုးမျိုးကြောင့် ပြည်သူလူထုနှင့် ရပ်တည်ခွင့်မရသော ပြည်သူ့စစ်သည်များကို ပြည်သူလူထု အားလုံးနှင့် အတူ ကောလင်း PDF အနေဖြင့် အတက်နိုင်ဆုံး အကူအညီ အထောက်အပံ့များ ပေးအပ်သွားမည်ဖြစ်ကြောင်းလည်း အသိပေးထားသည်။
