မင်္ဂလာဒုံမြို့နယ် အထွေထွေအုပ်ချုပ်ရေးမှူးရုံး (၃၃) နှစ်မြောက်နှစ်ပတ်လည်ပွဲကျင်းပစဉ် စက်သေနတ်ဖြင့်အတွဲလိုက်ပစ်ခတ်မှုဖြစ်ပွားခဲ့ပြီး သုံးဦးခန့် ဒဏ်ရာရရှိခဲ့ကြောင်း မင်္ဂလာဒုံ အမျိုးသားအစည်းအရုံးက သတင်းထုတ်ပြန်သည်။
နိုဝင်ဘာ ၇ ရက်နေ့လည် ၁၂ နာရီခွဲ အချိန်ခန့်တွင် ထွေအုပ်ရုံး နှင့် Terminal ဆီဆိုင်အကြားစောင့်နေသော စစ်သားများကို တက္ကစီယာဥ်ပေါ်မှ ပစ်ခဲ့ခြင်းဖြစ်ကြောင်း ထုတ်ပြန်ချက်တွင်ပါရှိသည်။
အဆိုပါပစ်ခတ်မှုကြောင့် ရုံးထဲရှိ သန့်ရှင်းရေးအကူအမျိုးသမီး တစ်ဦး နှင့်အစောင့် စစ်သား ၂ ဦး ထိခိုက်ခဲ့ပြီး အမျိုးသမီးမှာ ဒဏ်ရာပြင်းထန်ကြောင်း သိရသည်။
ထို့ပြင် နေ့လည် ၁ နာရီခွဲအချိန်ခန့်တွင်လည်း တပ်ရင်း ၉ နှင့် လန်ဒန် စက်ရုံ အကြား၌ ပစ်ခတ်ပေါက်ကွဲမှု များ ဖြစ်ခဲ့သည်ဟု ဒေသခံများကပြောသည်။
Public Service Announcement
တပ်ရင်း ၉ မှ တပ်ရင်းမှုးသည် “လုပ်ချင်ရင် တပ်ရင်းကို လာလုပ်လှည့် ” ဟုစိန်ခေါ်ထားဖူးသူဟု သိရသည်။
ယင်းဖြစ်စဥ်များကြောင့် နွယ်ခွေ ၊ ထောက်ကြန့် စသည့်နေရာများ၌ လမ်းပိတ်ဆို့ရှာဖွေမှူများပြုလုပ်ခဲ့သည်ဟု ဒေသခံများကပြောသည်။
“ကားတေတားပီး လူတေကို လမ်းဘေးမှာ ဝမ်းလျားမှောက်ခိုင်းထားတာ” ဟု ခရီးသွားတစ်ဦးကပြောသည်။
