မကွေးတိုင်း ဂန့်ဂေါမြို့နယ်တွင် ကား ၅စီးပါ စစ်ကောင်စီတပ်ယာဉ်တန်းကို ချင်းကာကွယ်ရေး တပ်ဖွဲ့(CDF – ကလေး-ကဘော်-ဂန့်ဂေါ) နှင့် ယောဒေသကာကွယ်ရေးတပ်ဖွဲ့(YDF-ဂန့်ဂေါ) တို့ ပူးပေါင်းတိုက်ခိုက်ခဲ့ရာ စစ်ကောင်စီတပ်မှ ဗိုလ်အဆင့်ရှိသူ အပါအဝင် ၁၁ဦး သေဆုံးခဲ့ဟု YDFက ထုတ်ပြန်သည်။
ဂန့်ဂေါမြို့နယ် မင်းရွာရဲစခန်းမှ ထွက်လာသည် အဆိုပါ စစ်ကား ၅စီးကို ခေါက်ခူရွာနှင့် ရှောက်ပင် ရွာအကြား ၌ မိုင်း ၁၂လုံးဆွဲ တိုက်ခိုက်ခဲ့သည်ဟုဆိုသည်။
အဆိုပါ တိုက်ခိုက်မှုကြောင့် စစ်ကောင်စီတပ်၏ ကား ၂စီး ထိခိုက်ပျက်စီးခဲ့ကြောင်း ၊ ၁၁ဦး သေဆုံးပြီး ၂၀ကျော် ပြင်းထန် ဒဏ်ရာရခဲ့ကြောင်း YDFက ထုတ်ပြန်သည်။
ထို့ပြင် ကပစ ထုတ်၊ MAကျည် ၄၀၀ ကျော် ၊ ယူနီဖောင်း (၂ )စုံ၊ ကျည်ဘောက်၂ ခု၊ ဘေးအိတ် ၁ စုံ ၊ အပူချိန်တိုင်းစက် ၁ ခု၊ တီရှပ် ၁ ထည်၊ ဖိနပ် ၁ ရံနှင့် ဓာတ်ပုံများ ကို သိမ်းဆည်းရမိခဲ့ကြောင်း ဖော်ပြထားသည်။
Public Service Announcement
တိုက်ပွဲတွင် ပူးပေါင်းတပ်ဖွဲ့မှ အထိအခိုက်မရှိ အောင်မြင်စွာ ဆုတ်ခွာနိုင်ခဲ့ကြောင်း CDF(KKG)က ထုတ်ပြန်ထားသည်။
မိုင်းဆွဲခံလိုက်ရသော စစ်ကောင်စီတပ်ဖွဲ့များသည် ရှောက်ပင်ရွာမှ ပြည်သူလူထု၏ နေအိမ် (၃) လုံးကို မီးရှို့သွားကြောင်းလည်း ဖော်ပြထားသည်။
