ခရီးသွားပြည်သူများ မန္တလေး-မုံရွာလမ်းမကြီးပေါ် ဖြတ်သန်းသွားလာခြင်းမပြုရန် ဒေသတွင်းတော်လှန်ရေးအဖွဲ့များ သတိပေးထားပြီး လမ်းပိုင်းအချို့တွင် ပစ်ခတ်မှုများရှိနေကြောင်း ဒေသခံများက ပြောသည်။
လတ်တလောဖြစ်ပေါ်နေသော အခြေအနေအရ ခရီးသွားပြည်သူများ စစ်ကိုင်း မုံရွာလမ်းမကြီးပေါ် ဖြတ်သန်းသွားလာခြင်းမပြုရန် အပြင်းအထန်တားမြစ်ကြောင်း ရောက်ရှိနေပါက ရောက်ရှိရာနေရာမှာ ရပ်နားထားကြပါရန် ဒေသတွင်း PDFများက ယနေ့နိုဝင်ဘာလ၂၄ရက် နံနက်ပိုင်းတွင် သတိပေးသည်။
အလားတူ မုံရွာမြို့နယ် မုံရွာ-အမြင့်လမ်းကိုလည်း နံနက် ၇ နာရီမှ ညနေ ၅ နာရီအတွင်း သွားလာခြင်းမပြုရန် မုံရွာအခြေစိုက် PDFအဖွဲ့က တားမြစ်ထားသည်။
မုံရွာ-မန္တလေးလမ်းမပေါ် မြင်းမူမြို့နယ်အတွင်းပစ်ခတ်တိုက်ခိုက်သံများကြားနေရ၍ ယာဥ်များလမ်းပေါ်တွင်ရပ်တန့်ထားရကြောင်း ခရီးသွားပြည်သူအချို့က ပြောသည်။
Public Service Announcement
