တွံတေးမြို့ လွတ်လပ်ရေးကျောက်တိုင်ထိပ်တွင် ဗကသခွပ်ဒေါင်းအောင်လံနှင့် စစ်အာဏာရှင်စနစ်တိုက်ဖျက်ရေးစာတန်း လွှင့်တင်

ရန်ကုန်တိုင်း တွံတေးမြို့ရှိ လွတ်လပ်ရေးကျောက်တိုင်ထိပ်တွင် ယနေ့ (ဒီဇင်ဘာ ၁ ရက်) အရုဏ်ဦး အချိန်၌ တွံတေးမြို့နယ်ကျောင်းသားများသမဂ္ဂ (ဗကသများအဖွဲ့ချုပ်)က ဗကသခွပ်ဒေါင်းအောင်လံနှင့် စစ်အာဏာ ရှင်စနစ်တိုက်ဖျက်ရေး စာတန်း လွှင့်တင်ခဲ့သည်။

ကျောက်တိုင်ထိပ်တွင် “ဖက်ဆစ်စစ်တပ်အမြစ်ဖြတ် စစ်ခွေးကျောင်းကိုငါတို့မတက်” စာသားပါ ဘန်နာနှင့် ဗကသခွပ်ဒေါင်းအောင်လံကို လွှင့်ထူပြီး စစ်အာဏာရှင်စနစ် တိုက်ဖျက်ရေးနှင့် စစ်ကျွန်ပညာဆန့်ကျင်ရေး လှုပ်ရှားမှုကို ပြုလုပ်ခဲ့ကြသည်။