ဒီးမော့ဆိုနှင့် လွိုင်ကော်တွင် နှစ်ရက်အတွင်းဖြစ်ပွားသော တိုက်ပွဲများတွင် စစ်ကောင်စီတပ်ဘက်က ခုနှစ်ဦးသေဆုံးပြီး ကိုးဦးဒဏ်ရာရခဲ့ကာ အကြမ်းဖက်စစ်ကောင်စီတပ်များသည် အရပ်ဝတ်များဖြင့် ပြည်သူများ၏နေအိမ်များအတွင် ပုန်းခိုလျက်ရှိကြောင်း KNDFက ထုတ်ပြန်သည်။
ကရင်နီတပ်မတော် (KA)၊ကရင်နီအမျိုးသားများကာကွယ်ရေးတပ်(KNDF)ပူးပေါင်းအဖွဲ့နှင့်အကြမ်းဖက်စစ်ကောင်စီတပ်များသည် ဒီမောဆိုနှင့် လွိုင်ကော်မြို့နယ်တွင် နှစ်ရက်ဆက် တိုက်ပွဲ ဖြစ်ခဲ့ခြင်းဖြစ်သည်။
ဒီမောဆိုမြို့နယ်၊ ဝပ်လထွားကျေးရွာနှင့်လွိုင်ကော်မြို့နယ်၊ ကနန်းကွယ်ရွာ နှင့် ရေကန်ရွာကြားတွင် ဒီဇင်ဘာ ၁၅ရက်နှင့် ၁၆ရက်က ဖြစ်ခဲ့သောတိုက်ပွဲအတွင်း စစ်ကောင်စီဘက်က ခုနှစ်ဦးသေဆုံးကာ ကိုးဦးဒဏ်ရာရခဲ့သည်ဟု KNDFက ဒီဇင်ဘာ ၁၆ ရက်တွင် ထုတ်ပြန် သည်။
အကြမ်းဖက်စစ်ကောင်စီတပ်များကို ခုခံတိုက်ခိုက်ရင်း ကရင်နီတပ်မတော်မှ ရဲဘော်နှစ်ဦး လက်နက်ကြီးစ မှန်၍ ဒဏ်ရာရပြီး တစ်ဦးကျဆုံးခဲ့သည်။ ကျဆုံးသွားသောရဲဘော်အား အမျိုးသား အာဇာနည် သူရဲကောင်းအဖြစ် အလေးပြု သမိုင်းမှတ်တမ်းတင်ပါသည်ဟု KNDF က ထုတ်ပြန်ထားသည်။ ထို့အပြင် တော်လှန်းရေးအတွင်း ကျဆုံးသွားသော ရဲဘော်များအားလုံး နှင့် ပြည်သူများ၏ပေးဆပ်မှုကို အောက်မေ့၍ စစ်အာဏာရှင်စနစ် အမြစ်ပြတ်သည် အထိ တိုက်ပွဲဝင်သွားမည်ဖြစ်ကြောင်း သစ္စာပြုသည်ဟုKNDF သတင်းနှင့်ပြန်ကြားရေးဌာနက လူထုအား အသိပေးထားသည်။
Public Service Announcement
ထိုအပြင် ကရင်နီဒေသအတွင်း အကြမ်းဖက်စစ်ကောင်စီတပ်များ အကြမ်းဖက်စစ်ကောင်စီတပ်များသည် အရပ်ဝတ်များဖြင့် ကျေးရွာအတွင်း လှုပ်ရှားကာ ပြည်သူများ၏နေအိမ်များတွင် ပုန်းခိုလျက်ရှိကြောင်းလည်း KNDF က သတိပေးထားသည်။
