ရန်ကုန်တိုင်း သန်လျှင်မြို့နယ် ပြည်သူ့ကာကွယ်ရေးတပ်ဖွဲ့အချို့၏ ခိုလှုံနေရာအား စစ်ကောင်းစီတပ်က ဝင်ရောက်စီးနင်းမှုဖြစ်ပွားခဲ့ကြောင်း ဒေသခံများက ပြော သည်။
ယနေ့(ဒီဇင်ဘာ ၁၇)နံနက်ပိုင်းက သန်လျှင်မြို့ ခရမ်းရေထိန်းတံခါးအနီးရှိ ပြည်သူ့ကာကွယ်ရေးတပ်ဖွဲ့ဝင်အချို့၏ ခိုလှုံနေရာတစ်ခုအား စစ်ကောင်စီကဝင်ရောင်စီးနင်းခဲ့ပြီး အပြန်အလှန် ပစ်ခတ်မှုဖြစ်ပွားခဲ့သည်ဟု ဒေသခံများက ပြောသည်။
အဆိုပါပစ်ခတ်မှုတွင် ပြည်သူ့ကာကွယ်ရေးတပ်(PDF)ဖွဲ့ဝင်များက ပြန်လည်ခုခံပစ်ခတ်ခဲ့သော်လည်း အင်အားမမျှသဖြင့် PDF နှစ်ဦးကျဆုံးပြီး သုံးဦးဖမ်းဆီးခံရကြောင်း ဒေသသတင်းရင်းမြစ် Thanlyin Informations က ဖော်ပြသည်။
ဖမ်းဆီးခံရသူ သုံးဦးမှာ အမျိုးသားတစ်ဦးနှင့် အမျိုးသမီးနှစ်ဦးဖြစ်ပြီး ၎င်းတို့သုံးဦးအနက် တစ်ဦးက စစ်ကောင်စီတပ်များလက်အောက် အဖမ်းမခံလို၍ မိမိကိုကိုယ်အဆုံးစီရင်သွားကြောင်း ကြားသိရသော်လည်း ယင်းအချက်အား People’s Spring က သီးခြားအတည်ပြုနိုင်ခြင်း မရှိသေးပေ။
Public Service Announcement
အထက်ပါကဲ့သို့ PDF များ၏ခိုလှုံနေရာ ဝင်အစီးခံရခြင်းမှာ ဒလန်သတင်းပေးမှုကြောင့်ဖြစ်ပြီး ထို့ကြောင့် ဒလန်များကို အရင်ရှင်းသင့်ကြောင်း သန်လျှင်ဒေသခံတစ်ဦးက မှတ်ချက်ပေးသည်။
