ရှမ်းပြည်နယ်မြောက်ပိုင်း ကွတ်ခိုင်မြို့ပေါ်ရှိ အာဏာ သိမ်းစစ်ကောင်စီတပ် တည်ရှိရာနေရာအနီးတွင် ယနေ့ည ၇နာရီကျော်အချိန်တွင် ပစ်ခတ်မှု ဖြစ်ပွားနေကြောင်း ကွတ်ခိုင်မြို့ခံတစ်ဦးက ပြောသည်။
“တိုက်ပွဲဖြစ်နေတာ အခုတော့ ငြိမ်နေတယ်။ ဖြစ်တာက ရပ်ကွက်(၁)မှာ။ ကျွန်တော်တို့နားမှာပဲ။ ဒုန်းဒိုင်း ဒုန်းဒိုင်းအသံကြားတော့ ကိုယ်လည်း ဝပ်နေရတာပဲ” ဟု ကွတ်ခိုင်ဒေသခံက ဒီဇင်ဘာ ၁၈ရက် ည ၇နာရီခွဲ အချိန်ခန့်တွင် ပြောသည်။
ပစ်ခတ်မှု ဖြစ်ပွားရာနေရာသည် စစ်ကောင်စီတပ်၏ ကွတ်ခိုင်အခြေစိုက် စစ်ဗျူဟာ အပါအဝင် ခမရ(၂၄၁)၊ ထောက်ပို့တပ်၊အမြောက်တပ်တို့ တည်ရှိကြောင်း ဒေသခံက ပြောသည်။
ပစ်ခတ်မှုကြောင့် ထိခိုက်ကျဆုံးမှုနှင့် မည်သည့်အဖွဲ့နှင့် ပစ်ခတ်မှုဖြစ်သည် ဆိုသည်ကို စုံစမ်းဆဲဖြစ်သည်။
Public Service Announcement
အဆိုပါဒေသတွင် တအာင်းတပ်ဖွဲ့(TNLA)၊ ကိုးကန့်တပ်ဖွဲ့(MNDAA)၊ ကချင်အဖွဲ့(KIA) တို့ စစ်ရေးလှုပ်ရှားမှုရှိသည်။
