ကရင်နီ(ကယား)ဒေသ လွိုင်ကော်မြို့နယ်အတွင်းမှ ကျေးရွားများရှိ နေအိမ်များကို အကြမ်းဖက်စစ်ကောင်စီတပ်က မီးရှို့ဖျက်ဆီးခဲ့ကြောင်း ဒေသခံများက ပြောသည်။
လွိုင်ကော်မြို့နယ် လွိုင်လင်လေးအရှေ့ဖက်ခြမ်းရှိ နောင်မွန်၊ နောင်လုံနှင့် ကွန်နားစသည့် ကျေးရွာများမှ နေအိမ် ၂၁လုံးကို မီးရှို့ဖျက်ဆီးခဲ့ခြင်းဖြစ်သည်ဟု ကရင်နီအမျိုးသားများကာကွယ်ရေးတပ်(KNDF)က အတည်ပြုထုတ် ပြန်သည်။
ထိုကျေးရွားများသို့ အကြမ်းဖက်စစ်ကောင်စီတပ်က လက်နက်ကြီးများဖြင့် အကြောင်းမဲ့ပစ်ခတ်နေ၍ တိုက်ပွဲများ အချိန်မရွေး ထပ်ဖြစ်လာနိုင်သည်ဟုလည်း KNDFက အသိပေးထားသည်။
အထက်ပါ လွိုင်လင်းလေး အရှေ့ဘက်ခြမ်းကျေးရွာများဖြစ်သော ကနန်းကွယ်ရွာနှင့် ရေကန်ရွာကြားတွင် ဒီဇင်ဘာ ၁၆ ရက်နေ့လယ်ပိုင်းက စစ်ကောင်စီတပ်နှင့် ကရင်နီတပ်မတော် (KA)နှင့် KNDF ပူးပေါင်းတပ်တို့ ထိတွေ့တိုက်ပွဲ ဖြစ်ပွားခဲ့သေးသည်။
Public Service Announcement
ယင်းတိုက်ပွဲတွင် အကြမ်းဖက်စစ်ကောင်စီတပ်မှ သုံးဦးသေဆုံးကာ လေးဦးဒဏ်ရာရခဲ့ပြီး ကရင်နီ တပ်မတော်(KA)မှ တပ်ဖွဲ့ဝင်တစ်ဦးကျ ဆုံးခဲ့သည်။
