ကရင်အမျိုးသားအစည်းအရုံး (KNU)တပ် မဟာ(၂) ထိန်းချုပ်နယ်မြေဖြစ်သည့် ပဲခူးတိုင်းတောင်ငူခရိုင်အတွင်း KNU/KNLA နှင့် PDF ပူးပေါင်းတပ်များစစ်ကောင်စီတပ်နှင့် နှစ်ရက်ဆက်တိုက် တိုက်ပွဲဲဖြစ်ပွားနေကြောင်းသတင်းရရှိသည်။
အဆိုပါတိုက်ပွဲများတွင် ယမန်နေ့(ဒီဇင်ဘာ ၂၀)က KNU တပ်မဟာ(၂) တပ်ရင်း(၆) လေးလုံးပင်ဒေသ၌ နယ်ကျွံလာသည့် စစ်ကောင်စီတပ်များနှင့် တစ်နာရီနီးပါး တိုက်ပွဲဖြစ်ပွားခဲ့ခြင်းဖြစ်၀ကြောင်း သိရသည်။တိုက်ပွဲတွင် စစ်ကောင်စီတပ်ဘက်မှ ရှစ်ဦးသေဆုံးကာ သုံးဦးဒဏ်ရာရရှိသည့်အပြင် လက်နက် ကိုးလက်သိမ်းဆည်းရမိခဲ့သည်ဟု KNU/KNLA မှ သတင်းရင်းမြစ်တစ်ဦးက အတည်ပြုပြောကြားသည်။
ထို့အပြင် ယနေ့(ဒီဇင်ဘာ ၂၁)တွင်လည်း တပ် မဟာ(၂)ထိန်းချုပ်နယ်မြေ ထန်းတပင်မြို့နယ် ကဆယ်ဒိုတောင်ကြီးအရှေ့ဘက်တွင် စစ်ကောင်စီတပ်နှင့် KNU/KNLA နှင့် PDF ပူးပေါင်းတပ်များ တိုက်ပွဲဖြစ်ပွားနေကြောင်း ပဲခူးတိုင်း PDF မှ တာဝန်ရှိသူတစ်ဦးက အတည်ပြုသည်။
“တပ်မဟာ(၂)ထဲတော့ မှန်တယ်။ ဒီနေ့ဖြစ်တာက တောင်ကြီးဘက် ဆွဲမိုင်းကွဲတာ ၉ လုံးရှိပြီအခု”ဟု ၎င်းက ပြောသည်။
Public Service Announcement
ယနေ့တိုက်ပွဲနှင့် စပ်လျဥ်းပြီး တိုက်ပွဲအခေအနေအသေးစိပ်နှင့် စစ်ကောင်စီတပ်ဘက်မှ ထိခိုက်ကျဆုံးရှိ၊ မရှိစသည်တို့ကို မသိရသေးပေ။
လက်ရှိအခြေအနေတွင် KNU တပ်မဟာ(၂) ထိန်းချုပ်နယ်မြေအတွင်း စစ်ကောင်စီတပ်မှ စစ်ကြောင်းနှစ်ကြောင်းထက်မနည်း ထိုးစစ်ဆင်ရန်ပြင်ဆင်နေပြီး ယနေ့တွင် စစ်ကောင်စီဘက်မှ အင်အား ၁၀၀ ခန့် အင်အားတိုးချဲ့လျှက်ရှိကြောင်း သိရသည်။
