ကရင်အမျိုးသားအစည်းအရုံး(KNU/KNLA) တပ်မဟာ(၆)နယ်မြေတွင် နှစ်ရက်ဆက် တိုက်ပွဲဖြစ်ပွားခဲ့ရာ စစ်ကောင်စီတပ်မှ ၉ဦးသေ ၊ ၁၁ဦးဒဏ်ရာရခဲ့ကြောင်း KNU ဒူးပလာယာခရိုင်က ယနေ့ သတင်းထုတ်ပြန်သည်။
တပ်မဟာ(၆)နယ်မြေတွင် ဒီဇင်ဘာ ၂၀ရက်နှင့် ၂၁ရက်တို့၌ တိုက်ပွဲ ၄ကြိမ်ဖြစ်ခဲ့သည်ဟု ဆိုသည်။
ဒီဇင်ဘာ ၂၁ရက်က ဒူးပလာယာခရိုင်၊ ကော့နွဲကျေးရွာ အာရှလမ်းမ၌ ထိပ်တိုက် ပစ်ခတ်မှု နှစ်ကြိမ် ဖြစ်ပွားခဲ့ပြီး စစ်ကောင်စီဖက်မှ တပ်ခွဲမှူးတစ်ဦးအပါအဝင် ခုနစ်ဦးသေဆုံးကာ၊ ရှစ်ဦးဒဏ်ရာရှိခဲ့ကြောင်း၊ ဒီဇင်ဘာ ၂၀ရက်တွင် လည်း ကောတာကလားဒေသနှင့် မော်မောင်းထာ့နှင့် ကလား မရွှေဒေသ၌ တစ်ကြိမ်တိုက်ပွဲဖြစ်ခဲ့ရာ စစ်ကောင်စီတပ်မှ နှစ်ဦးသေ၊ သုံးဦး ဒဏ်ရာရရှိခဲ့သည်ဟု ဖော်ပြခဲ့သည်။
KNU တပ်မဟာ(၆)နယ်မြေ လေးကေ့ကော်ဒေသ၌လည်း ဒီဇင်ဘာ ၁၅ရက်မှစ၍ KNU၊ ပြည်သူ့ ကာကွယ်ရေး တပ်ဖွဲ့(PDF) ပူးပေါင်းအဖွဲ့နှင့် စစ်ကောင်စီတပ်တို့ နေ့စဉ်နီးပါးတိုက်ပွဲများ ဖြစ်ပွားလျက်ရှိပြီး စစ်ကောင်စီတပ်က ထိခိုက်သေဆုံးမှုများပြီး အထိနာလျက်ရှိသည်။
Public Service Announcement
