မြန်မာတစ်နိုင်ငံလုံးအား No-flight Zoneအဖြစ်သတ်မှတ်ပေးရန် ကမ္ဘာ့ကုလသမဂ္ဂအဖွဲ့ထံ ကျောင်းသားသမဂ္ဂများက စုပေါင်းတောင်းဆိုလိုက်သည်။
ကုလသမဂ္ဂအထွေထွေအတွင်းရေးမှူးချုပ်ထံ လိပ်မူထားသည့် ကျောင်းသားသမဂ္ဂများ၏ တောင်းဆိုချက်များပါစာတွင် အချက်(၂)အား တောင်းဆိုထားသည်။
ယင်းတောင်းဆိုချက်(၂)ချက်မှာ ကရင်အမျိုး သားအစည်းအရုံး(KNU)မှ ထုတ်ပြန်ခဲ့သော လေးကေ့ကော်မြို့သစ်အား No-flight Zone အဖြစ် သတ်မှတ်ပေးရေးကိစ္စအား ထောက်ခံကြောင်းနှင့် ထိုအချက်အား ကုလသမဂ္ဂမှ အမြန်ဆုံးအကောင်အထည်ဖော်ပေးရန်၊ လက်ရှိတွင် တစ်နိုင်ငံလုံးနီးပါး စစ်တပ်၏အကြမ်း ဖက်ထိုးစစ်ဆင်မှုများတွင် လေကြောင်းပစ် ခတ်မှုများကိုပါ အသုံးပြုလာခြင်းကြောင့် မြန်မာတစ်နိုင်ငံလုံးအတိုင်းအတာဖြင့် No-flight Zone အဖြစ်သတ်မှတ်ပေးရန်တို့ ဖြစ်သည်။
“အကြမ်းဖက်စစ်တပ်သည် နိုင်ငံအနှံ့ရှိရွာများ၊ မြို့များတွင် အပြစ်မဲ့ပြည်သူများကို မတရားဖမ်းဆီးနှိပ်စက်ခြင်း၊ စစ်သုံ့ပန်းအဖြစ်အသုံးချခြင်း၊ လူသားတံတိုင်းပြုလုပ်ခြင်း၊ ပြည်သူ့ပိုင်ဆိုင်မှုများ ခိုးယူဖျက်စီးခြင်း၊ ရွာလုံးကျွတ်မြို့လုံးကျွတ်မီးရှို့ခြင်း၊ အပြစ်မဲ့ပြည်သူအုပ်စုလိုက်အား နှိပ်စက်သတ်ဖြတ်မြေမြှုပ်ခြင်း၊ မီးရှို့သတ်ဖြတ်ခြင်း၊ အမျိုးသမီးများကိုအဓမ္မပြုကျင့်ခြင်း စသည့် ဆိုးဝါးပြင်းထန်သော လူ့အခွင့်အရေးချိုးဖောက်မှုများနှင့် လူသားမျိုးနွယ်အပေါ်ရာဇဝတ်မှုများ ကျူး လွန်လျက်ရှိသည်”ဟု ကျောင်းသားသမဂ္ဂများက ထောက်ပြ သည်။
Public Service Announcement
လက်ရှိတွင်လည်း အကြမ်းဖက်စစ်တပ်မှ အပြစ်မဲ့ပြည်သူများအား ဝေဟင်မှပစ်ခတ်သတ်ဖြတ်မှုများကျူးလွန်လျှက်ရှိရာ ယမန်နေ့(ဒီဇင်ဘာ ၂၃)ရက်ကပင် စစ်ကိုင်းတိုင်း ကလေးမြို့နှင့် ကရင်ပြည်နယ် လေးကေ့ကော်မြို့သစ်တို့၌ ဝေဟင်မှ ဗုံးကျဲတိုက်ခိုက်ခြင်းများရှိခဲ့သည်ဟု ထုတ်ပြန်ချက်တွင် ဖော်ပြသည်။
မြန်မာနိုင်ငံပြည်သူများအနေဖြင့် နှစ်ပေါင်း ၇၀ ကျော်ကြာ လက်နက်အားကိုးဖြင့် အကြမ်းဖက်အုပ်ချုပ်လာသည့် စစ်တပ်အား ခုခံတော်လှန်ခဲ့ရသည့်အပြင် ယခုအခါ အကြမ်းဖက်စစ်တပ်က ဖေဖော်ဝါရီကစပြီး ဒီမိုကရေစီအစိုးရအား ဖြုတ်ချကာ အာဏာသိမ်းယူခဲ့သည်ဟုလည်း ကျောင်းသားသမဂ္ဂများ၏ ထုတ်ပြန်ချက်တွင် ဖော်ပြပါရှိသည်။
မြန်မာတစ်နိုင်ငံလုံးအား No-flight Zone အဖြစ်သတ်မှတ်ပေးရေး ကုလသမဂ္ဂထံတောင်းဆိုချက်ကို တစ်နိုင်ငဲလုံးရှိ တက္ကသိုလ်အသီးသီးမှ သမဂ္ဂများ၊ အခြေခံပညာကျောင်းသားသမဂ္ဂများ၊ တိုင်းဒေသကြီး၊ ပြည်နယ်နှင့် ခရိုင်၊ မြို့နယ် ကျောင်းသားသမဂ္ဂများအပါင်အဝင်သမဂ္ဂပေါင်း ၂၀၀ကျော်က စုစည်းတောင်းဆိုခဲ့ခြင်း ဖြစ်သည်။
