ခရစ္စမတ်နေ့ကဖြစ်ပွားသည့် လေးကေ့ကော်မြို့သစ် ထီးမယ်ဝါးခီးတိုက်ပွဲတွင် သတင်းသမားတစ်ဦးလည်းဖြစ် ကဗျာဆရာတစ်ဦးလည်းဖြစ်သူ အေစိုင်းကေ(ကို)သည် လက်နက်ကြီးဆထိမှန် ကျဆုံးသွားကြောင်း ၎င်း၏ မိတ်ဆွေများက အတည်ပြုသည်။
ထီးမယ်ဝါးခီးကျေးရွာအား စစ်ကောင်စီဘက်မှ လက်နက်ကြီးများဖြင့် ပစ်ခတ်တိုက်ခိုက်ချိန် အေစိုင်းကေ၏ ဦးခေါင်းအား လက်နက်ကြီးစထိမှန်ဒဏ်ရာရခဲ့ပြီး ထိုင်းဘက်ခြမ်းသို့ ပို့ ဆောင်ဆေးကုသခဲ့ရာ ယနေ့နံနက်ပိုင်း တွင် ကွယ်လွန်သွားခြင်းဖြစ်သည်။
တိုက်ပွဲအတွင်း ကျဆုံးသွားသည့် အေစိုင်းကေသည် ဖက်ဒရယ်ဂျာနယ်၏ အယ်ဒီတာချုပ်တစ်ဦးဖြစ်ပြီး ကဗျာဆရာတစ်ဦးလည်း ဖြစ်သည်။
အေစိုင်းကေသည် ကျဆုံးချိန်၌ (၃၈)နှစ်ရှိပြီဖြစ်ပြီး ၎င်း၏စျာပနအား ယနေ့ပြုလုပ်မည်ဖြစ်ပြီး မကွယ်လွန်မီက ‘ညစာ’ဟု အမည်ပေးထားသည့် ကဗျာတိုတစ်ပုဒ်ကို နောက်ဆုံးရေးစပ်ခဲ့ကြောင်း အေစိုင်းကေ၏ မိတ်ဆွေများထံမှ သိရသည်။
Public Service Announcement
