တနင်္သာရီတိုင်း မြိတ်ခရိုင် တကူကျေးရွာရဲစခန်းကို ပြည်သူ့တပ်ဖွဲ့က ဝင်ရောက်ဖျက်ဆီးနိုင်ခဲ့ကြောင်း ဘက်မလိုက်ပျောက်ကြားအဖွဲ့က ယနေ့(ဇန်နဝါရီ ၄ ရက်)တွင် ထုတ်ပြန်သည်။
ဇန်နဝါရီ ၃ ရက် ညနေပိုင်းက တကူရဲစခန်းအတွင်းရှိသည့် စာရွက်စာတမ်းများ၊ ယူနီဖောင်းနှင့် လျှပ်စစ်ပစ္စည်းများကို မီးရှို့ဖျက်ဆီးခဲ့သည်။
“ရဲတွေလည်း ကြောက်လို့ထွက်ပြေးတာ ကြာပြီး။စစ်တပ်ကတော့ မကြာခဏဆိုသလိုတော့လာတယ်။မနေ့က ညနေ ၄ နာရီကျော်လောက်မှာ ဖြစ်တာ”ဟု ဒေသခံတစ်ဦးက ပြောသည်။
ထို့အပြင် ရဲစခန်းအဆောက်အအုံမှ ပရိဘောဂများ၊ အသုံးအဆောင်ပစ္စည်း နှင့် ရေပိုက်လိုင်း များလည်း ပျက်စီးမှုရှိခဲ့သည်ဟုလည်း ၎င်းက ဆိုသည်။
Public Service Announcement
အလားတူ အကြမ်းဖက်စစ်ကောင်စီတပ်မှ တကူကျေးရွာသို့လာခဲ့စဥ်က အသုံးပြုခဲ့သော ဆိုင်ကယ် ငါးစီးကိုလည်း သိမ်းဆည်းရမိခဲ့သည့်အပြင် တကူကမ်းနားရှိ စစ်တပ်ပိုင် စက်လှေတစ်စင်းနှင့် စက်နှစ်လုံးကို ဖျက်ဆီးနိုင်ခဲ့သည်။
ဇန်နဝါရီ ၂ ရက်ကလည်း တကူကျေးရွာနှင့် သာရဘွင်ကျေးရွာရှိ Mytel တာဝါတိုင်ကို ဘက်မလိုက်ပျောက်ကြားအဖွဲ့က မီးရှို့ဖောက်ခွဲထားသည်။
