ယခုကာလအတွင်း စစ်ကောင်စီတပ်များနှင့် အနီးကပ်နေထိုင်ခြင်းမပြုရန်အပါအဝင် ပြည်သူများ လိုက်နာရ မည့်အချက်များအား ကျောက်ဆည်ခရိုင် ပြည်သူ့ကာကွယ်တပ်ခြောက်ဖွဲ့က သတိပေးချက်ထုတ်ပြန်လိုက်သည်။
လိုက်နာရမည့်အချက်များတွင် ပေါက်ကွဲမှုဖြစ်ပွားသည့်နေရာသို့ ပြည်သူများသွားရောက်ကြည့်ရှူ့ခြင်းမပြုရန်၊ စစ်ကောင်စီတပ်များနေထိုင်ရာအနီးတဝိုက်နှင့် ၎င်းတို့ရှိရာနေရာများတွင် အနီးကပ်မနေရန်၊ မိမိတို့နှင့် မသက်ဆိုင်သည့် ပစ္စည်းများ၊ အထုပ်များအား ကိုင်တွယ်ခြင်း အနီးကပ်ကြည့်ရှူ့ခြင်းများမပြုလုပ်ရန် တိုက်တွန်းထားသည်။
“ပြည်သူတွေ စစ်ကောင်စီဘက်တော်သားတွေနဲ့အနီးကပ်မနေကြဖို့ အဓိကပြောချင်ပါတယ်”ဟု မဟာမိတ် ခြောက်ဖွဲ့အနက်မှ စဥ့်ကိုင် PDF ၏တာဝန်ရှိသူတစ်ဦးက မှတ်ချက်ပေးသည်။
ကျောက်ဆည်ခရိုင် မဟာမိတ်တပ်ဖွဲ့များအနေဖြင့် စစ်ကောင်စီနှင့် ၎င်းတို့ထောက်တိုက်များအား တိုက်ခိုက် လျှက်ရှိရာ ပြည်သူများနှင့် မလွတ်ကင်း၍ Mission (၅)ခုထက်မနည်း ဖျက်သိမ်းခဲ့ရသည်ဟု ယင်းအဖွဲ့များက ဆိုသည်။
Mission ဖျက်သိမ်းရခြင်းကြောင့် ဆုံးရှုံးရမှုများရှိနေပြီး ယခုသတိပေးချက်ထုတ်ပြန်ချိန်မှစ၍ Mission များအား ဖျက်သိမ်းတော့မည်မဟုတ်ဘဲ ဆက်လက်လုပ်ဆောင်သွားမည်ဟုလည်း အသိပေး ဖော်ပြထားသည်။
ထိုသို့ တိုက်ခိုက်မှုများပြုလုပ်ချိန် သတိပေးချက်အားမလိုက်နာဘဲ တားမြစ်နေရာများအနီးရောက်ရှိနေ၍ ထိခိုက်မှုများရှိခဲ့ပါက တာဝန်ယူသွားမည်မဟုတ်ကြောင်းလည်း ကျောက်ဆည်ခရိုင် မဟာမိတ်တပ်ဖွဲ့များက အသိပေးထားသည်။
ကျောက်ဆည်ခရိုင် မဟာမိတ်ခြောက်ဖွဲ့တွင် LPDF(Sintgaing)၊ ကျောက်ဆည်နဂါးနီးမြို့ပပျေက်ကျားတပ်ဖွဲ့၊ မန္တလေးမြို့ပြပျောက်ကြားတပ်ဖွဲ့ A13 ၊ KDDF ကျောက်ဆည်၊ Myit Nge PDF နှင့် DOTP(Myittha) PDF စသည့် အဖွဲ့များ ပါဝင်သည်။