စစ်ကိုင်းတိုင်း မြောင်မြိုနယ်တွင် အကြမ်းဖက်စစ်ကောင် စီတပ်က နေအိမ်များ မီးရှို့ဖျက်ဆီးခံခဲ့ရသည့် အိမ်ထောင်စုများအားမြောင်မြိုနယ်ပြည်သူ့တပ်ဖွဲ့များ ပူးပေါင်း၍ ထောက်ပံ့ငွေများ ယနေ့(ဇန်နဝါရီ ၁၄)တွင် ပေးအပ်ခဲ့သည်။
မြောင်မြိုနယ် ဆွဲလဲအိုကျေးရွာတွင် ဇန်နဝါရီ၁၃ရက် နံနက်ပိုင်းက အကြမ်းဖက်စစ်ကောင်စီတပ်များ၏ မီးရှို့ဖျက်ဆီးခြင်းကြောင့် နေအိမ် ၁၃လုံး၊ ၀က်နှစ်ကောင်၊ နွားတစ်ကောင်၊ လယ်ထွန်စက် တစ်စီး၊ ဆိုင်ကယ်နှစ်စီးတို့ပျက်စီးခြင်း၊ ဆန်နှင့် ပဲသီးပဲနှံများကို ဖျက်စီးခြင်း စသည့် ရာဇဝတ်မှုဒဏ်များကို ပြည်သူများ ခံခဲ့ရသည်ဟု မြောင်မြိုနယ်ပြည်သူ့ကာကွယ်ရေးနှင့်လုံခြုံရေးအဖွဲ- CDSOMက ဆိုသည်။
အလားတူ ဇန်နဝါရီ ၁၁ ရက် ည ၉နာရီခန့်တွင် မြောင်မြိုနယ် နဘက်ကျေးရွာမှ နေအိမ်ခြောက်လုံးကိုလည်း စစ်ကောင်စီအကြမ်းဖက်သမားများမှ မီးရှို့ဖျက်ဆီးခဲ့သည်။
ထို့ကြောင့် အိမ်ထောင်စုတစ်စုလျှင် ၁၀၀,၀၀၀(တစ်သိန်းကျပ်)စီနှင့် စစ်ဘေးရှောင်ပြည်သူများအတွက် ဆန် သုံးအိတ်တို့ကို ပြည်သူများမှ ဒေသခံပြည်သူ့ကာကွယ် ရေးတပ်ဖွဲများထံ ပံ့ပိုးထားသော ထောက်ပို့များဖြင့် စစ်ဘေးဒုက္ခရောက်နေသော ပြည်သူများထံသို့ပြန်လည်လှုဒါန်းကူညီခဲ့ကြောင်း CDSOM က အသိပေးသည်။
Public Service Announcement
အဆိုပါ ထောက်ပံ့မှုအစီစအဥ်ကို Myaung Union Army-MUA (တပ်ရင်းမှုး -ကိုတိုက်ဂါး)၊အမျိုးသမီးပြောက်ကျားစစ်သည်တော်များအဖွဲ(မြောင်)-M2W နှင့် မြောင်မြိုနယ်ပြည်သူ့ကာကွယ်ရေးနှင့် လုံခြုံရေးအဖွဲ- CDSOM တို့မှ ပူးပေါင်းဆောင်ရွက်ခဲ့သည်။
