အကြမ်းဖက်စစ်ကောင်စီ၏ ခလရ (၂၅၆) တပ်ရင်းမှ တပ်သား စောကလဲဘွဲထူးနှင့် ကိုသက်တို့သည် CDM ပြုလုပ်ကာ ပြည်သူ့ကာကွယ်ရေးတပ်ဖွဲ့ထံ ပူးပေါင်းလာကြောင်း ရေစကြိုမြို့နယ် ပြည်သူကာကွယ်ရေးတပ်ဖွဲ့
က ယနေ့(ဇန်နဝါရီ ၂၁ ရက်)တွင် ထုတ်ပြန်သည်။
သေနတ်တစ်လက်နှင့်အတူအလင်းဝင် ပူးပေါင်းလာခဲ့သော တပ်သားနှစ်ဦးကို လွတ်မြောက်နယ်မြေသို့ ပို့ဆောင်ပေးခဲ့ပြီဖြစ်ကြောင်းလည်း ရေစကြိုမြို့နယ် ပြည်သူကာကွယ်ရေးတပ်ဖွဲ့က ဆိုသည်။
အကြမ်းဖက်စစ်ကောင်စီအား CDM ပြုလုပ်ကာပြည်သူရင်ခွင် ခိုလှုံချင်သူများကို ရေစကြိုမြို့နယ် ပြည်သူ့ကာကွယ်ရေးတပ်ဖွဲ့မှ ကြိုဆိုလက်ခံ၍ လွတ်မြောက်နယ်မြေသို့ တာဝန်ယူပို့ဆောင်ပေးမည်ဖြစ်ကြောင်းလည်း အသိပေးသည်။
