စစ်အာဏာရှင်အား တိုက်ခိုက်သုတ်သင်နိင်ရေး ပိုအားကောင်းစေရန် တန့်ဆည်မြို့အခြေစိုက် ပြည်သူ့ကာကွယ်ရေးအဖွဲ့နှစ်ဖွဲ့ မဟာမိတ်ပြုလုပ်လိုက်သည်။
တန့်ဆည်ပြည်သူ့ကာကွယ်ရေးတပ်မတော်( Taze PDF)နှင့် တန့်ဆည်မြို့နယ် စစ်အာဏာရှင်တော်လှန်ရေးတပ်မတော် (Taze Revolution Force-TRF)တို့ မဟာမိတ်ပြုလုပ်လိုက်ခြင်းဖြစ်သည်။
စစ်အာဏာရှင်စနစ်အမြတ်ပြတ်ချေမှုန်းရေးနှင့် ဖက်ဒရယ်ဒီမိုကရေစီစနစ် ပေါ်ပေါက်လာစေရေးအတွက် မဟာမိတ်ပြုလုပ်ကာ အတူလက်တွဲ တိုက်ပွဲဝင်သွားမည်ဟု Taze Revolution Force-TRFက ယမန်နေ့(ဇန်နဝါရီ ၂၈ရက်)က သတင်းထုတ်ပြန်သည်။
စစ်ကိုင်းတိုင်းဒေသကြီးတွင်ပါဝင်သော တန့်ဆည်မြို့သည် ဒေသတွင်း ထိစပ်မြို့များဖြစ်သော ရေဦး၊ ခင်ဦး၊ ဒီပဲယင်းမြို့များကဲ့သို့ စစ်အာဏာရှင်အားတော်လှန်တိုက်ခိုက်ရေးတွင် တက်ကြွသည့်ဒေသဖြစ်သည်။