မြင်းမူနယ်သို့လာသည့် ကားအစီး ၃၀ ပါ စစ်ကောင် စီတပ်ယာဥ်တန်းကို မိုင်းခွဲတိုက်ခိုက်ခဲ့ပြီး စစ်ကောင်စီဘက်မှ ကားနှစ်စီးပျက်စီးကာ ၁၅ ဦးထက်မနည်းသေဆုံးသွားကြောင်း မြင်းမူမြို့ နယ် ပြည်သူ့ကာကွယ်ရေးတပ်ဖွဲ့(MMU-PDF) က ထုတ်ပြန်သည်။
ယနေ့နံနက် ၁၁ နာရီဝန်းကျင်ခန့်က ချောင်းဦးဘက်မှတက်လာသည့် စစ်ကောင်စီတပ်ယာဥ်တန်းကို မြင်းမူမြို့ နယ် ထီးဆောင်းနှင့် မူးဝရွာထောင်ဇရပ်အကြားတွင် မိုင်းခွဲတိုက်ခိုက်ခဲ့ခြင်းဖြစ်ကြောင်း ထုတ်ပြန်ချက်တွင် ဖော်ပြသည်။
“ကျွန်တော်တို့အဖွဲ့အစည်းက ပြည်သူကပေါက် ဖွားလာတဲ့အဖွဲ့အစည်း ဖြစ်ပါတယ်။ ပြည်သူ့ ကာကွယ်ရေးတပ်ဖွဲ့ဆိုသည့်အတိုင်း ပြည်သူကိုကာကွယ်ဖို့ရာကျွန်တော်တို့အလုပ်ပါ။ ကျွန် တော်တို့နယ်ထဲကို စကစ လက်အောက်ခံတွေ ဝင်လာတာနဲ့ ရတဲ့နည်းနဲ့တိုက်ခိုက်ခြေမူန်းသွားမှာပါ”ဟု MMU-PDF မှ ရဲဘော်တစ်ဦးက ပြော သည်။
စစ်ကောင်စီယာဥ်တန်း ချောင်းဦးမှ မထွက်မီ မြင်းမူနယ်သို့ဖြတ်သန်းမည့် လမ်းခရီးတွင် ရှေ့ပြေးအဖွဲ့တစ်ဖွဲ့စေလွှတ်ပြီး မိုင်းရှင်းလင်းရေးလုပ်ဆောင်သည့်ကြားမှ ဖောက်ခွဲတိုက် ခိုက်နိုင်ခဲ့ခြင်းဖြစ်ကြောင်း MMU-PDF က ပြောသည်။
Public Service Announcement
အဆိုပါ စစ်ယာဥ်တန်းမှာ မင်းအောင်လှိုင်ဦးဆောင်ပြုလုပ်သည့် ဗိုလ်ရှူ့သဘင်သို့ပို့ဆောင်မည့် မြင်းများတင်ဆောင်လာပြီး အစီး ၁၀၀ ခန့်ပါဝင်သည့်အနက် အစီး ၃၀ မှာ မြင်းမူနယ်သို့ ကနဦးဝင်ရောက်လာသည့် စစ်ယာဥ်တန်းဖြစ် ကြောင်း ထုတ်ပြန်ချက်တွင် ဖော်ပြသည်။
မဟာမိတ် ပြည်သူ့ကာကွယ်ရေးတပ်ဖွဲ့များသည် စစ်ကောင်စီတပ်နှင့် ထောက်တိုင်များ အချိန်မရွေး တိုက်ခိုက်မှုလုပ်ဆောင်မည်ဖြစ်သောကြောင့် ပြည်သူများအနေဖြင့် ဒေသကာကွယ်ရေးတပ်ဖွဲ့များ၏ ထုတ်ပြန်ချက်နှင့် သတိပေးချက်များကို လိုက်နာပေးကြရန် မေတ္တာရပ်ခံထားသည်။
