Connect with us

Hi, what are you looking for?

LuduNwayOo

News

ဖက်ဒရယ်ပြည်​ထောင်စုတည်​ဆောက်​ရေး တိုက်ပွဲဝင်ရာတွင်KIO/KIAနှင့်အတူလက်တွဲ အစွမ်းကုန်​တော်လှန်တိုက်ခိုက်မည်ဟု CNF ​ပြော

ဖေဖော်ဝါရီ ၅ရက်တွင်ကျရောက်သည့် ကချင်တော်လှန်ရေးနေ့တွင်ကချင်တော်လှန်ရေး ခေါင်းဆောင်များ၊ တော်လှန်ရေးရဲဘော်ရဲမေများအား ဂုဏ်ယူလေးစားကြောင်းနှင့် တော်လှန်ရေးတိုက်ပွဲ၌ ကျဆုံးခဲ့သူများကိုဦးညွှတ်ဂါရ၀ ပြုကြောင်း ဖော်ပြထားသည်။

ကချင်တော်လှန်ရေးနေ့အခမ်းအနားသို့CNF နှင့်မင်းတပ် CDF သဝဏ်လွှာပို့

ကချင်လွတ်လပ်ရေးတပ်မတော်(KIA) ၏ ယနေ့ကျရောက်သည့် ၆၁ နှစ်မြောက် ကချင်အမျိုးသားတော်လှန်ရေး နေ့သို့ချင်းအမျိုးသားတပ်ဦး(CNF)နှင့် မင်းတပ်မြို့နယ်ချင်းကာကွယ်ရေး တပ်ဖွဲ့(CDF)တို့ကသဝဏ်လွှာ ပေးပို့ခဲ့သည်။

ဖေဖော်ဝါရီ ၅ရက်တွင်ကျရောက်သည့် ကချင်တော်လှန်ရေးနေ့တွင်ကချင်တော်လှန်ရေး ခေါင်းဆောင်များ၊ တော်လှန်ရေးရဲဘော်ရဲမေများအား ဂုဏ်ယူလေးစားကြောင်းနှင့် တော်လှန်ရေးတိုက်ပွဲ၌ ကျဆုံးခဲ့သူများကိုဦးညွှတ်ဂါရ၀ ပြုကြောင်း ဖော်ပြထားသည်။

CNF နှင့်ချင်းပြည်သူများ အနေဖြင့် ဖက်ဒရယ်ပြည်ထောင်စုတည်ဆောက်ရေးအတွက်တိုက်ပွဲဝင်ရာတွင် သွေးချင်းညီနောင်ဖြစ်သည့် အားလျော်စွာ KIO/KIA ကချင်အမျိုးသားပြည်သူများနှင့်အတူလက်တွဲပြီးအစွမ်း ကုန် တော်လှန်တိုက်ပွဲဝင်သွားမည်ဖြစ်ကြောင်း CNF၏ သဝဏ်လွှာ၌ပါရှိသည်။

မင်းအောင်လှိုင် ဦးဆောင်သည့် မတရားသော စစ်အာဏာသိမ်းမှုကြောင့် တစ်နိုင်ငံလုံး စစ်ရေး နိုင်ငံရေး၊လူမှုရေး အကြပ်တည်းဆုံး အချိန် ကာလတွင် KIO/KIA အနေဖြင့် ပြည်သူဘက်က မားမားမတ်မတ် ရပ်တည်လျက် စစ်အာဏာရှင် စနစ်ကို ဖြုတ်ချပြီး ကိုယ့်ကြမ္မာ ကိုယ်ဖန်တီးခွင့် ပြန်လည်ရရှိရေး၊ ဖက်ဒရယ်စနစ် တည်ဆောက်ရေး အတွက် စစ်ရေး နိုင်ငံရေး တိုက်ပွဲဝင်ရာတွင် အောင်ပွဲအလီလီ ဆွတ်ခူးနိုင်ပါစေ ဟု ဆုတောင်းကာ CNF က သဝဏ်လွှာပေးပို့ခဲ့သည်။

Public Service Announcement

Public Service Announcement

မင်းတပ် CDF၏ သဝဏ်လွှာတွင်လည်း မတရား စစ်အာဏာရှင်စနစ်ကို အမြစ်ပြတ် ချေမှုန်း၍ KIO/KIA၏ ဦးဆောင်မှုဖြင့် ကချင်တစ်မျိုးသားလုံး ကိုယ့်ကြမ္မာကိုယ် ဖန်တီးခွင့် ပြန်လည်ရရှိပြီး ဒီမိုကရေစီရေးနှင့် အမျိုးသား တန်းတူရေးတို့တွင် ပြည်ထောင်စုဖွား တိုင်းရင်းသား ညီအကိုများနှင့်အတူ လက်တွဲ၍ ဖတ်ဒရယ်ပြည်ထောင်စုကို အကောင်အထည်ဖော်နိုင်ပါစေဟု ဖော်ပြခဲ့သည်။