ပြည်သူပိုင်ပစ္စည်းများခိုးယူဖောက်ထွင်းနေသော အကြမ်းဖက် စစ်ကောင်စီ တပ်ကို သွား ရောက် တိုက်ခိုက်ခဲ့ကြောင်း ပြည်သူ့ကာကွယ်ရေးတပ်-ဒီးမော့ဆို(DMO-PDF)က ယနေ့ (ဖေဖော်ဝါရီ ၁၀)ထုတ်ပြန်သည်။
ဒီးမော့ဆိုမြို့နယ် ငွေတောင်အုပ်စု၊ အောင်ချမ်းသားရွာသို့ ဝင်ရောက်အကြမ်းဖက် သောင်း ကြမ်းလျက်ရှိသော စစ်ကောင်စီတပ်များကို ယနေ့ နံနက် ၉ နာရီမှ ၁၀နာရီထိ ၁နာရီကျော်ကြာအပြန်အလှန် ပစ်ခတ် တိုက်ခိုက်ခဲ့ကြောင်း ထုတ်ပြန်ချက်တွင် ဖော်ပြသည်။
“တိုက်ခိုက်မှုအတွင်း အကြမ်းဖက်စစ်ကောင်စီတပ်ဖက်မှ(၃)ဦးခန့် စနိုက်ဘာလက်ချက်ဖြင့် စစ်အာဏာရှင်အတွက် အသက်ပေးသွားခဲ့ပြီး မိမိတို့ ပြည်သူ့ကာကွယ်ရေးတပ်-ဒီးမော့ဆို(DMO-PDF) တပ်ဖက်သည် ထိခိုက်မှုမရှိ ပြန်လည်ဆုတ်ခွာနိုင်ခဲ့သည်”ဟု DMO-PDF က အသိပေးသည်။
တိုက်ခိုက်မှုဖြစ်ပွားခဲ့သောနေရာတွင် အကြမ်းဖက်စစ်ကောင်စီတပ်မှ ပြည်သူပိုင်နေအိမ်လေး လုံး မီးရှို့ဖျက်စီးခဲ့ကြောင်း ရှေ့တန်းရောက် စစ်ကြောင်းမှူးကိုကိုးကားပြီး DMO-PDF ပြန်ကြားရေးက ဖော်ပြသည်။
Public Service Announcement
