စစ်ကိုင်းတိုင်း၊ မင်းကင်းမြို့နယ်တွင် ချင်းတွင်းမြစ်အတွင်းသယ်ဆောင်လာသော ပန်းဆက်ရွာပျူစောထီးအဖွဲ့များ၏ လူသုံးကုန်၊ စားသောက်ကုန်၊ ရေနံပီပါများအား မင်းကင်းပြည်သူ့ကာကွယ်ရေးတပ်မှ ဖမ်းဆီးခဲ့ကြပြီး ၄င်းတို့အုပ်စုမီးရှို့ဖျက်ဆီးခဲ့သောကျေးရွာများသို့ ပြန်လည်ပို့ဆောင်ခဲ့သည်။
ဖေဖော်ဝါရီ ၁၁ နေ့တွင် ချင်းတွင်းမြစ်အတွင်းရေကြောင်းထိမ်းသိမ်းရေးလုပ်ငန်းများလုပ်ဆောင်နေသော မင်းကင်းပြည်သူ့ကာကွယ်ရေးတပ်(မင်းကင်း-PDF)က တာဝန်သိ ပြည်သူများ၏ သတင်းပေးပို့မှုကြောင့် ရေယာဉ်ပေါ်တွင်ပါလာသော ပန်းဆက်၊တောင်ဖြူရွာနှင့် အခြားကျေးရွာများမှ အကြမ်းဖက် ပျူဒလံများ ဝယ်ယူထားသောကုန်ပစ္စည်းများအား ရေလမ်းမှတဆင့်သယ်ဆောင်လာစဉ် ဖမ်းဆီးထိမ်းသိမ်းခဲ့ကြပြီး ၄င်းတို့အုပ်စုအကြမ်းဖက်မီးရှို့ခဲ့သော ကျေးရွာများသို့ ပို့ဆောင်ပေးခဲ့ခြင်းကြောင်းမင်းကင်းပြည်သူ့ကာကွယ်ရေးတပ်၏ ထုတ်ပြန်ချက်တွင် ဖော်ပြသည်။
“ပစ္စည်းများ၏ စုစုပေါင်းတန်ဖိုး သိန်း ၁၅၀ ကျော်မည်ဟု ယူဆရပြီး ပျူဒလံများ အရှိုက်သို့ ကျည်တစ်ထောင့်မျှဖောက်စရာမလိုပဲ အထိနာနာ ထိုးသွင်းနိုင်ခဲ့ပါသည်။”ဟု ထုတ်ပြန်ချက်တွင် ရေးသားထားသည်။
တာဝန်သိ ပြည်သူများကိုလည်း ကျေးဇူးအထူးတင်ရှိပြီး နောက်နောင်တွင်လည်း ရန်/ငါ ပြတ်၍ ပြည်သူ့ဘက်မှ ရပ်တည်ပေးကြပါရန် လေးလေးနက်နက် မေတ္တာရပ်ခံကြောင်း၊ ပျူဒလံများ၊ စကစနှင့်ဆက်နွယ်သော ပစ္စည်းများ သယ်ယူပို့ဆောင်ခြင်း၊ ဝယ်ယူခြင်း လုံးဝ မလုပ်ကြပါရန်နှင့် အကြောင်းကြောင်းကြောင့် သယ်ယူခဲ့ရသည်ရှိသော် သတင်းပေးအကြောင်းကြားပြီး ပြည်သူဘက်မှ ရဲရဲဝင့်ဝင့် ရပ်တည်ပေးကြပါရန် ထပ်မံ မေတ္တာရပ်ခံကြောင်း အသိပေးသည်။
Public Service Announcement
မင်းကင်းပြည်သူ့ကာကွယ်ရေး တပ်ရင်း(၁)သည်ယခင်ကလည်း ရေကြောင်းမှတရားမဝင် သယ်ဆောင်လာသော ကျောက်စိမ်းများကိုဖမ်းဆီး၍ အမျိုးသားညီညွှတ်ရေးအစိုးရထံ အပ်နှံပေးခဲ့ဖူးသည်။
