ကလေးမြို့နယ်အတွင်း မူးယစ်ဆေးဝါးဖြန့်ဖြူးရောင်းချသူ လေးဦးနှင့် သုံးစွဲသူ ငါးဦးတို့ကို သက်သေခံပစ္စည်းများဖြင့် ဖမ်းဆီးအရေးယူလိုက်ကြောင်း ကလေးမြို့ပြည်သူကာကွယ်ရေးတပ်ဖွဲ့ -PDF(ကလေး) နှင့်ကလေးမြို့ပြည်သူရဲတပ်ဖွဲ့ (KPS)တို့က ယနေ့ သတင်းထုတ်ပြန်သည်။
PDF(ကလေး)၊ KPS တို့နှင့်အတူ နတ်ချောင်းကျေးရွာနှင့်နတ်မြောင်းကျေးရွာများမှ ကာကွယ်ရေးအဖွဲ့များက ဖေဖော်ဝါရီ ၁၁ ရက် နှင့် ၁၂ ရက်များတွင် ကျေးရွာများသို့ သွားရောက်ရှာဖွေခဲ့ရာတွင် ဖမ်းဆီးရမီခြင်းဖြစ်သည်ဟု ထုတ်ပြန်ချက်တွင် ဖော်ပြထားသည်။
ဖမ်းဆီးရမိသည် ၉ဦးလုံးကို ထိန်းသိမ်းထားပြီးထိရောက်သောပြစ်ဒဏ်များချမှတ်နိုင်ရန် ဆောင်ရွက်လျက်ရှိသည်ဟုလည်း ပါရှိသည်။
ကလေးမြို့ပြည်သူရဲလုပ်ငန်းဝန်ဆောင်မှုအတွင်း ကလေးဒေသအခြေပြု CDMဆောင်ရွက်ထားသည့် ရဲတပ်ဖွဲ့ဝင်များဖြင့် ၂၀၂၁ ဒီဇင်ဘာ ၆ရက်တွင်ဖွဲ့စည်းခဲ့ခြင်းဖြစ်သည်။ ကလေးမြို့ ပြည်သူ့ရဲတပ်ဖွဲ့ သည် ရပ်ရွာအေးချမ်းသာယာရေးနှင့် တရားဥပဒေစိုးမိုးရေးလုပ်ငန်းများကိုဆောင်ရွက်ရန်အတွက်ဖွဲ့စည်းခဲ့ခြင်းဖြစ်သည်။
Public Service Announcement
