'/%3E%3C/svg%3E){kind=small}
ပဲခူးရိုးမတွင်း သစ်ခိုးထုတ်နေသူများအနေဖြင့် ပစ္စည်းများသိမ်းကာ သတ်မှတ်ရက်အတွင်း အပြီးပြောင့်ရွှေ့ကြရန် တောင်ငူမြို့နယ် ပြည်သူ့ကာကွယ်ရေးတပ်ဖွဲ့၊ ဘုရင်းတောင်တပ်ရင်းက သတိပေးချက် ထုတ်ပြန်လိုက်သည်။
သစ်ဝါးများခိုးထုတ်နေသည့် လုပုဂ္ဂိုလ်နှင့်အဖွဲ့အစည်းများသည် ဖေဖော်ဝါရီ ၂၇(ယနေ့)မှ မတ်လ ၆ရက်အတွင်း လုပ်ငန်းသုံးပစ္စည်းများ ယာဥ်များ၊လူများအားလုံး အပြီးပြောင်းရွှေ့ရမည်ဖြစ်ပြီး လိုက်နာခြင်းမရှိပါက နိုင်ငံ့ဘဏ္ဍာအဖြစ်သိမ်းဆည်းသွားဟု ထုတ်ပြန်ချက်တွင် ဖော်ပြသည်။
“အကြမ်းဖက်စစ်ကောင်စီအား ထောက်ပံ့ဆပ်ကြေးပေး၍နိုင်ငံတော်သယံဇာတများအား စည်းကမ်းမဲ့စွာခိုးထုတ်၍ကိုယ်ကျိုးစီးပွားအတွက်အသုံးချနေမှူများအား လုံးဝ(လုံးဝ) ပိတ်ပင်တားဆီးနိုင်ရေးအတွက်ရည်ရွယ်၍ ဤသတိပေးမှုအားထုတ်ပြန်လိုက်သည်”ဟု ဘုရင့်နောင်တပ်ရင်း၊ တပ်ရင်းအမှတ်(၃၀၅၁)က ထုတ်ပြန်သည်။
ကိုယ်ကျိုးရှာ၍ သစ်ဝါးများ စည်းကမ်းမဲ့စွာခိုးထုတ်နေသောလူပုဂ္ဂိုလ်နှင့် အဖွဲ့အစည်းများသည် ပြည်သူ့ကာကွယ်ရေးတပ်ဖွဲ့များ၏ လှုပ်ရှားမှုသတင်းများ ပေးခြင်းတို့ကို လုပ်ဆောင်နေပြီး ဤသတိပေးချက်အမိန့်အား မလိုက်နာပါက နောက်ဆက်တွဲအကျိုးဆက်များကို တာဝန်ယူမည်မဟုတ်ဟု ထုတ်ပြန်ချက်တွင် ဖော်ပြထားသည်။
Public Service Announcement
