စစ်ကိုင်းတိုင်း၊ကန့်ဘလူ-ကောလင်း ဒေသအစပ် ချပ်သင်းကုန်းရွာအနီးတိုက်ပွဲတွင် စစ်ကောင်စီတပ်တိုက်ခိုက်ခံရပြီး စစ်ကြောင်းမှူး အပါအဝင် ၂၀ ကျော်သေဆုံးကာ ကျန်ရှိ ရဲဘော်များမှာလည်း ထွက်ပြေးခဲ့ကြောင်း ဒေသခံ သတင်းရင်းမြစ်များက ထုတ်ပြန်သည်။
ယနေ့(မတ်လ ၁၉ ရက်) နံနက် ၅ နာရီခန့်ကကောလင်းမြို့နယ်ထဲမှ ကန့်ဘလူမြို့နယ်သို့ စစ်ကြောင်းထိုးရန် ထွက်လာသည့် အင်အား ၆၈ ဦးပါ အကြမ်းဖက်စစ်အုပ်စုကို နှောကုန်းရွာနှင့် ချပ်သင်းကုန်းရွာကြား၌ ကန့်ဘလူမြို့နယ်ပြည်သူ့ကာကွယ် ရေး အဖွဲ့၊ တပ်ခွဲ (၂) ကစောင့်ကြိုတိုက်ခိုက်ခဲ့ သည်ဟုဒေသတွင်းသတင်းရင်းမြစ်များကဖော်ပြသည်။
“စခတွေဟာ အနီးရှိတောင်ပေါ်သို့တက်ပြေးရာ ကျန်ခဲ့သောလက်နက်ခဲယမ်းများအား သွားကောက်နေတယ်လို့သိရ”ဟုSagaing Scout Network ကလည်းဖော်ပြသည်။
ထို့အတူကောလင်းဒေသ တိုင်ပွဲများ ထုတ်ပြန်နေသည့် Kawlin Info ကလည်း”ယနေ့ မနက်ပိုင်း ကန့်ဘလူ-ကောလင်းနယ်စပ် တိုက်ပွဲ စခ၂၀ကျော်သေဆုံးပြီး ဖရိုဖရဲထွက်ပြေးရဟုသတင်းရရှိ”ဟု အသိပေးသည်။
Public Service Announcement
တိုက်ပွဲအတွင်း ပြည်သူ့ကာကွယ်ရေးတပ်ဖွဲ့ဝင်များအထိအခိုက်အကျဆုံးမရှိခဲ့ကြောင်းလည်းသိရသည်။
သို့သော် အဆိုပါ တိုက်ပွဲနှင့်ဆက်စပ်၍ ကန့်ဘလူမြို့နယ်ပြည်သူ့ကာကွယ် ရေး အဖွဲ့က တရားဝင်သတင်းထုတ်ပြန်ခြင်းမရှိသေးပေ။
အလားတူ ကန့်ဘလူမြို့နယ်ပြည်သူ့ကာကွယ် ရေးအဖွဲ့ထံ တိုက်ပွဲ ဖြစ်စဥ်ကို အတည်ပြုရန် လူထုနွေဦးက ဆက်သွယ်နေသော်လည်း ဆက်သွယ်မရသေးပေ။
