လက်နက်ခဲယမ်းအတွက် ပြည်သူများကူညီပေးရန်က​လေး PDFမေတ္တာရပ်ခံ

ကလေးမြို့နယ်အတွင်း ထိုးစစ်ဆင်လာသော အကြမ်းဖက်စစ်ကောင်စီတပ် အထိနာအောင် ပြည်သူ့ကာကွယ်ရေးမဟာမိတ်များက ပူးပေါင်းတိုက်ခိုက်ခဲ့​နေပြီး အဓိကလိုအပ်နေသည့် လက်နက်ခဲယမ်းအတွက် ပြည်သူတစ်ဦးချင်းစီက တတ်နိုင်သလောက်ပါဝင်လှူဒါန်းပေးကြရန် Kalay PDF က မေတ္တာရပ်ခံသည်။

ကလေးတောင်ပိုင်းဒေသရှိ ကျေးရွာများသို့ ထိုးစစ်ဆင်နေသည့်အကြမ်းဖက်စစ်ကောင်စီတပ်ကိုကလေးPDF တပ်ရင်း(၅) နှင့် ပူးပေါင်းအဖွဲ့က မတ်လ၁၉ရက်တွင် လက်ဦးမှုရယူကာ တိုက်ခိုက်ခဲ့ခြင်းဖြစ်သည်။

“ကျွန်​တော်တို့အနေနဲ့အသာစီး ပစ်ခတ်နိုင်ခဲ့ပြီး စစ်ကောင်စီတပ်သားတော်တော်များများကိုသုတ်သင်နိုင်ခဲ့ပါတယ်။ကျွန်​တော်တို့ PDFရဲဘော်များဘက်မှ အကျဆုံးမရှိ အောင်ပွဲယူနိုင်ခဲ့ပါတယ်”ဟု Kalay PDF တပ်ရင်း(၅)ကတိုက်ပွဲရုပ်သံမှတ်တမ်းနှင့်အတူ သတင်းထုတ်ပြန်သည်။

အကြမ်းဖက်စစ်ကောင်စီသည်ချင်းတောင်ဒေသနှင့်ဆက်စပ်နေသောကလေးတောင်ပိုင်းဒေသသို့ ထိုးစစ်ဆင်နေသည်မှာလချီကြာမြင့်နေသော်လည်း ပြည်သူ့ကာကွယ်ရေးအဖွဲ့များကြောင့် အထိနာနေသည်။ သော်လည်း ပြည်သူ့ကာကွယ်ရေးအဖွဲ့များဘက်ကလည်း ခုခံစစ်ကာလ ကြာလာပြီဖြစ်၍ လက်နက်ခဲယမ်းအင်အား လိုအပ်ချက်ကြီးမားနေသည်ဟု လူထုအား အသိပေးထားသည်။

Public Service Announcement

“တိုက်ပွဲဖြစ်ပွားချိန်တွင် ကျည်အား၊ လက်နက်အားနှင့်ဖိနိုင်မှ အောင်ပွဲရနိုင်မည်ဖြစ်၍ လိုအပ်နေ‌သည့်ကျည်ဆံဖိုးများကိုပြည်သူတ‌စ်ယောက်ချင်းဆီမှ တတ်နိုင်တဲ့ဘက်က ပါဝင်လှူဒါန်းပေးကြဖို့ မေတ္တာရပ်ခံအပ်ပါတယ်”ဟု Kalay PDF တပ်ရင်း(၅)က မေတ္တာရပ်ခံထားသည်။

“ကျွန်မတို့ကတော့ လူငယ်တွေကို ယုံကြည်တယ်။ ကျွန်မတို့ ပြေးရင်းလွှားရင်းကနေ တတ်နိုင်သလောက် ထောက်ပံ့နေတယ်။ ပြည်မဘက်ကနေလည်း ဒီထက် ပိုထောက်ပံ့ပေးနိုင်ရင် ကောင်းမယ်။ ဒီတော်လှန်ရေး အမြန် ပြီးချင်ပြီ”ဟု ကလေးမြို့ခံတစ်ဦးကလည်းပြောသည်။