နာဂမြေပေါ်ရှိ စစ်ကောင်စီ အုပ်ချုပ်ရေးယန္တရားလည်ပတ်မှုမှန်သမျှ ဖြိုချတော့ မည်ဟု PDFကြေညာ

နာဂမြေပေါ်၌ ခေတ်အဆက်ဆက် စစ်အာဏာရှင်များ ကျူးလွန်နေခဲ့သော မတရားမှုများအား ဆက်လက်မကျူးလွန်နိုင်စေရေးအတွက် အာဏာသိမ်း စစ်ကောင်စီ၏ အုပ်ချုပ်ရေး ယန္တရား များလည်ပတ်မှုမှန်သမျှ ဖြိုချမည်ဟု နာဂပြည်သူ့ကာကွယ်ရေးတပ်ဖွဲ့(PDF)က ယမန်နေ့တွင် ထုတ်ပြန်ကြေညာ ခဲ့သည်။

နာဂပြည်သူ့ကာကွယ်ရေးတပ်ဖွဲ့သည် စစ်အာဏာရှင်စနစ်အပါအဝင် အာဏာရှင်စနစ်ဟူသမျှ အပြီးတိုင်ချုပ်ငြိမ်းသွားစေရန်အတွက် တပ်ဖွဲ့၏ လုပ်ငန်းတာဝန်များအား စတင်လုပ်ဆောင် တော့မည်ဟု အသိပေးခဲ့သည်။

အာဏာသိမ်းစစ်ကောင်စီ၏ အုပ်ချုပ်ရေးယန္တရားကို အဓိကထောက်တိုင်အဖြစ် ဆောင်ရွက် ပေးနေသော အုပ်ချုပ်ရေးမှူးများအားလုံး ဧပြီ ၃၀ရက်နောက်ဆုံး ထား၍ နုတ်ထွက်ရမည်ဟု လည်း ကြေညာခဲ့သည်။ မလိုက်နာဘဲ ဆက်လက်တာဝန်ထမ်းဆောင်နေသော အုပ်ချုပ်ရေးမှူး များကို အရေးယူသွားမည် ဖြစ်ကြောင်း နောက်ဆုံးအကြိမ် သတိပေးလိုက်သည်။