သင်္ချိုင်းကုန်းတွင် ကင်းပုန်းလာဝပ်သည့် အကြမ်းဖက်စစ်ကောင်စီတပ်ကို မြောင်မြို့နယ် ပြည်သူ့ကာကွယ်ရေးတပ်(T. G. R)ဦးဆောင်မဟာမိတ်အဖွဲ့က မိုင်းဆွဲတိုက်ခိုက်ရာ စစ်ကောင်စီဘက်က သုံးဦးသေဆုံးခဲ့သည်။
မြောင်မြို့နယ် မရိုးကုန်းရွာခြား သင်္ချိုင်းကုန်းတွင် ကင်းပုန်းလာဝပ်သော အကြမ်းဖက်စစ်ကောင်စီတပ်ဖွဲ့အား ပြည်သူ့ကာကွယ်ရေးအဖွဲ့များက မတ်လ ၂၆ရက်တွင် မိုင်းခွဲတိုက်ခိုက်ခဲ့ခြင်းဖြစ်သည်။
“စကစခွေးသုံးကောင် နေရာတွင်ပွဲခြင်းပြီး တစ်စစီသေဆုံးကြောင်း သတင်းအတည်ပြုအပ်ပါသည်”ဟု T. G.Rက ယနေ့(မတ် ၂၉ရက်)သတင်းထုတ်ပြန်သည်။
အဆိုပါ မိုင်းဆွဲတိုက်ခိုက်မှုကို မြောင်မြို့နယ်ပြည်သူ့ကာကွယ်ရေးတပ် Myaung People’s Defence force (T. G. R)၊11 BrothersRevolutionForces (Myaung)၊ZAMANI REVOLYTION Force Myaung (MMU)၊စစ်ကိုင်းတိုင်းခရိုင်တပ်ရင်း(၁)နှင့် BURMES Guerilla Force(B. G. F)၊ဗိုလ်နေတိုးအထူးပြောက်ကျားအဖွဲ့(B. N. T)က ပူးပေါင်းတို့ အကောင် အထည်ဖော်ခဲ့ခြင်းဖြစ်သည်။
Public Service Announcement
မြောင်မြို့နယ်သည် စစ်တပ်အုပ်ချုပ်၍ လုံးဝမရတော့ဘဲ ပြည်သူ့ကာကွယ်ရေးအဖွဲ့များ အားအလွန်ကောင်းနေသည့် မြို့နယ်ဖြစ်နေပြီဟု ဒေသခံတစ်ဦးက ပြောသည်။
ပြည်သူ့ကာကွယ်ရေးအဖွဲ့များအနေဖြင့် မြို့နယ်တွင်း နေရာအချို့တွင် ကင်းပုန်းဝပ်တပ်စွဲထားသည့် အကြမ်းဖက်စစ်ကောင်စီတပ်ဖွဲ့များကို အရှိန်မြှင့်တိုက် ခိုက်ပေးရန် မြို့ခံအချို့က လိုလားနေသည်။
“ကျွန်တော်တို့ တစ်နေ့မှ မနားသလောက်ပဲ ကြိုးစားနေတယ်။ တိုက်ခိုက်ရေးအတွက်က လက်နက်ခဲယမ်းလိုအပ်ချက်က အရင်ကလောက်မကျပ်တည်းပေမယ့် လိုနေဆဲပဲ။ တတ်နိုင်သမျှ လှူကြ။စစ်ခွေးတွေကို ကျွန်တော်တို့ နေ့တိုင်း တိုက်နေမှာ” ဟု မြောင်မြို့နယ်မှ ပြည်သူ့ကာကွယ်ရေးအဖွဲ့ဝင်လူငယ်တစ်ဦးက ပြော သည်။
