စစ်ကောင်စီတပ်သား ခုနစ်ဦးသေဟု ZERO ပြောက်ကျားတပ်ဖွဲ့ခေါင်းဆောင် သက်ကြီးပြော
စစ်ကိုင်းတိုင်း အရာတော်မြို့နယ် သစ်ကျင်းကြီးကျေးရွာရှိ စစ်ကောင်စီတပ် စခန်းကို PDF ပူးပေါင်းတပ်ဖွဲ့က တိုက်ခိုက်သိမ်းပိုက်ခဲ့ပြီး စစ်ကောင်စီတပ်သား ခုနစ်ဦးသေဆုံးကြောင်း ZERO ပြောက်ကျားတပ်ဖွဲ့(မြင်းခြံ)ခေါင်းဆောင် သက်ကြီးက People’s Springသို့ ပြောသည်။
စခန်းသိမ်းတိုက်ပွဲမှာ ဧပြီ၁ ရက် နေ့လယ်၁ နာရီခန့်က ZERO ပြောက်ကျား တပ်ဖွဲ့(မြင်းခြံ) နှင့်အတူ သပြေညို၊ FALCON FORCE၊ အရာတော်ဘုန်းနိုင်၊ ပတ္တမြားညီနောင်အဖွဲ့များက လက်နက်ကြီး၊လက်နက်ငယ်များဖြင့် ပစ်ခတ်တိုက်ခိုက်ခဲ့ခြင်းဖြစ်သည်။
“စခန်းကို ရွှေဘို နဲ့မုံရွာ ကတ္တရာလမ်းမကြီးပေါ်ကနေ ဝင်ပစ်တာ။သေတဲ့သူတွေ အလောင်းကို အာရာဖတ်ကားတစ်စီးနဲ့ တင်ပြေးတာ။ကျွန် တော်တို့လည်း လိုက်ပစ်သေးတယ်။ဒါပေမယ့် ပြည်သူတွေရှိနေတော့ ဆက်မလိုက်တော့တာ”ဟု ZERO ပြောက်ကျားတပ်ဖွဲ့(မြင်းခြံ) ခေါင်းဆောင်က ရှင်းပြသည်။
Public Service Announcement
တိုက်ပွဲ ဖြစ်ပွားချိန်မှာ ၂ နာရီကျော်ကြာမြင့်ခဲ့ပြီး စစ်ကောင်စီတပ်ဖွဲ့ဝင်ခုနစ် ဦးသေဆုံးပြီး ငါးဦးဒဏ်ရာရရှိခဲ့သည်။PDF ပူးပေါင်းတပ်ဖွဲ့မှ အထိအခိုက် မရှိခဲ့ကြောင်းလည်း ZERO ပြောက်ကျားတပ်ဖွဲ့က ဆိုသည်။
တိုက်ပွဲအတွင်း စစ်တပ်စခန်းကို သိမ်းဆည်းနိုင်ခဲ့သည့်အပြင် ဆိုင်ကယ်(၃) စီးသိမ်းဆည်း ရမိခဲ့ကာ စစ်ကောင်စီတပ်များက အယောင်ဆောင် အသုံးပြုလျက်ရှိသည့် လူနာတင်ယာဉ် လည်းလက်နက်ကြီးထိမှန် ပျက်စီးမီးလောင်ကျွမ်းခဲ့သည်။
