'/%3E%3C/svg%3E){kind=small}
ရွေးကောက်ပွဲ မဲသမာမှုလုပ်တယ်ဆိုပြီး စစ်ကောင်စီက စွဲဆိုထားတဲ့အမှု နဲ့ NLD အစိုးရ ရခိုင်ပြည်နယ်ဝန်ကြီးချုပ် ဦးညီပုနဲ့ ပြည်နယ်ဝန်ကြီးဟောင်း ဦးမင်းအောင်တို့ကို ဒီနေ့မှာ ထောင်ဒဏ် ၄ လစီချလိုက်တယ်လို့ ဒေသတွင်း သတင်းမီဒီယာတွေက ဖော်ပြကြပါတယ်။
စစ်တွေအကျဉ်းထောင် အထူးတရားရုံးက အမိန့်ချရာမှာ ဒဏ်ငွေ ငါးသောင်း ပေးမဆောင်ရင် ထောင်ဒဏ် ၄ လ ကျခံရမယ်လို့ အမိန့်ချလိုက်တာပါ။
ထောင်ဒဏ်အစား ဒဏ်ငွေပေးဆောင်လိုက်တယ်လို့လည်းသိရပါတယ်။
လက်ရှိမှာ ရခိုင်ပြည်နယ်ဝန်ကြီးချုပ် ဦးညီပုနဲ့ ဝန်ကြီးဟောင်း ဦးမင်းအောင်တို့ဟာ ထောင်ဒဏ်အသီးသီးကျခံနေတာဖြစ်ပါတယ်။
Public Service Announcement
ဝန်ကြီးချုပ်ဦးညီပုကို မတည်မငြိမ်ဖြစ်အောင် လှုံဆော်မှု ရာဇသတ်ကြီးပုဒ်မ ၅၀၅ (ခ) နဲ့ထောင်ဒဏ် ၂ နှစ် ၊အဂတိပုဒ်မ နဲ့ ထောင်ဒဏ် ၉ နှစ် ချထားသလို ဦးမင်းအောင်ကိုလည်း အဂတိပုဒ်မနဲ့ ထောင်ဒဏ် ၇ နှစ်ထားတာဖြစ်ပါတယ်။
