စစ်ကိုင်းတိုင်း၊ စစ်ကိုင်းမြို့နယ် ဆားတောင်နယ်ရှိ ညောင်ငုပ်တိုကျေးရွာတွင် အကြမ်းဖက်စစ်ကောင်စီတပ်လက်အောက်ခံ ပျူစောထီးများနှင့် ဒေသတွင်းပြည်သူ့ကာကွယ်ရေးအဖွဲ့များကြား တိုက်ပွဲဖြစ်ပွားခဲ့ပြီး ပျူစောထီး ငါးဦးခန့်သေဆုံးကြောင်း ဒေသခံများက ပြောသည်။
ယမန်နေ့(ဧပြီ ၆ရက်) ညနေ ၅နာရီခွခန့်က ညောင်ငုပ်တိုရွာရှိ ပျူစောထီးများအား ပြည်သူ့ကာကွယ်ရေးတပ်ဖွဲ့မှ ဝင်ရောက်တိုက်ခိုက်ခဲ့ခြင်းဖြစ်ပြီး ပျူစောထီးငါးဦးသေဆုံးကြောင်း၊ နှစ်ဖက်အပြန်အလှန်ပစ်ခတ်ခဲ့ကြပြီး တိုက်ပွဲဖြစ်စဉ်အတွင်း ညောင်ငုပ်တိုရွာ မီးလောင်ပြာကျသွားကြောင်း၊ ညောင်ငုပ်တိုရွာသည် အိမ်ခြေ ၁၅လုံးခန့်ရှိသည့် ရွာငယ်လေးတစ်ရွာဖြစ်ကြောင်း ဒေသခံများက ပြော သည်။
” အကြမ်းဖက်စစ်ကောင်စီတပ်ဖွဲ့ ခိုင်းဖတ် ပျူစောထီးကြီးစိုးနေတဲ့ရွာဖြစ်ပါတယ်။ ၎င်းတို့ကိုထောက်ခံခြင်းမရှိတဲ့သူတွေကို ရွာကနေ နှင်ထုတ်ခဲ့ကြတဲ့အတွက် ရွာမှာက ပျူစောထီးအဖွဲ့တွေသာရှိတယ်လို့ သိရပါတယ်”ဟုစစ်ကိုင်းမြို့နယ် သတင်းမှန်ပြန်ကြားရေးက အသိပေးသည်။
အခင်းဖြစ်ရာနေရာသို့ စစ်ကိုင်းဘက်မှ စစ်ကူလာသည့် စစ်ကောင်စီတပ်ကားတစ်စီးလည်း မိုင်းဆွဲတိုက်ခိုက်ခံခဲ့ရပြီး စစ်ကောင်စီတပ်သားများ ထိခိုက်မှုရှိနိုင်သည်ဟု ဒေသတွင်းသတင်းရင်းမြစ်များက ဆိုသည်။
Public Service Announcement
ယနေ့ (ဧပြီ ၇ ရက်) နံနက်၆နာရီခန့်က စစ်ကိုင်းမြို့နယ်၊ ဆားတောင်မြို့ ညောင်ငုပ်တိုရွာ ထပ်မံအင်အားဖြည့်ထားသည့် စစ်ကောင်စီတပ်သားများနှင့် ပျူစောထီးများသည် နယ်မြေချင်းဆက်နေသည့် ဝက်လက်မြို့နယ်၊ ရွာနန်း(နတ်နန်း)ကျေးရွာအား ဝင်ရောက်လာပြီး ရွာကိုမွှေနှောက်ဖျက်ဆီးကာ ရွာလူနေအိမ်တွေကို မီးရှို့ဖျက်ဆီးနေကြောင်း ဒေသတွင်းသတင်းမြစ်များက အသိပေးထားသည်။
