မကွေးတိုင်း၊ ရေစကြိုမြို့နယ် ရေလယ်ကျွန်းဒေသရှိ ကျေးရွာတစ်ရွာသို့ အကြမ်းစစ်ကောင်စီတပ်များ ဝင်ရောက်လာ၍ မိသားစုကိုကယ်ထုတ်ရန် ကြိုးပမ်းခဲ့သည့် ပြည်သူ့ကာကွယ်ရေးအဖွဲ့ဝင် လူငယ်ရဲဘော်တစ်ဦး ယမန်နေ့က ဖမ်းဆီးသတ်ဖြတ်ခံခဲ့ရသည်။
အကြမ်းဖက်စစ်ကောင်စီတပ်သည် ရေလယ်ကျွန်းဒေသသို့ ဧပြီ ၂ ရက် ကတည်းက အကြမ်းဖက်ဝင်ရောက်မီးရှို့ဖျက်ဆီးမှုများ ပြုလုပ်ခဲ့ရာ ဒေသတွင်းပြည်သူ့ကာကွယ်ရေးအဖွဲ့ ၂၀ကျော်ဖြင့် နေ့စဥ်ထိတွေ့တိုက်ပွဲ ဖြစ်ပွားခဲ့သည်။
ယမန်နေ့ကလည်း ရေလယ်ကျွန်းရှိ ကျေးရွာတစ်ရွာသို့ အကြမ်းဖက်စစ်ကောင်စီ တပ်များ ဝင်ရောက်လာစဥ် ပြည်သူ့ကာကွယ်ရေးရဲဘော်တစ်ဦး ဖမ်းဆီး သတ်ဖြတ်ခံခဲ့ရခြင်းဖြစ်ကြောင်း ဒေသခံများက ပြောသည်။
“ဧပြီ၆ရက်နေ့က ရေလယ်ကျွန်းပေါ်က ရွာတစ်ရွာမှာ ပကဖ ရဲဘော် တစ်ယောက် စစ်ကောင်စီရဲ့ ယုတ်မာ ရက်စက်စွာ သတ်တာခံလိုက်ရတယ် ။ ခွေးတွေ ရွာဘက်လာလို့ ထွက်ပေါက်ကနေ ထွက်ဖို့ အမိန့်ပေးတာကို မိသားစုနဲ့ ကပ်တွယ်ပြီး မိသားစုကို ခေါ်ထုတ်ရင်းနဲ့ အချိန်မီမထွက်နိုင်ပဲ မိသွားတယ် ။ မိတဲ့ခါ အခြားသူတွေကို ဘာမှမလုပ်ပေမယ့် သူ့ကိုတော့ ဖမ်းခေါ်သွားပြီး ရွာအပြင်မှာ နဖူးတည့်တည့်ကိုတေ့ပစ်ပြီး သတ်သွားတယ် ။ ခွေးတွေ စခန်းချတဲ့ရွာနဲ့အရမ်းနီးပေမယ့် ရဲဘော်က ရဲဘော်မို့ ဦးနှောက်တွေ ပွင့်ထွက်နေတဲ့ အလောင်းကို ရအောင် သွားကောက်ပြီး နောက်ဆုံးခရီးကို ပို့ဆောင်ပေးခဲ့လိုက်တယ်။အမိန့်ပြန်တမ်းတွေ သူကြားမယ်လို့ မျှော်လင့်ပါတယ်။”ဟု ရေစကြိုမြို့နယ် ပြည်သူ့ကာကွယ်ရေးတပ်ဖွဲ့ တပ်ရင်း(၂)မှ ရဲဘော် မှိုင်းတေဇက အသိပေးသည်။
Public Service Announcement
အကြမ်းဖက်စစ်ကောင်စီ၏ အကြမ်းဖက်ဖျက်ဆီးခြင်းခံနေရသည့် ရေလယ်ကျွန်းဒေသတွင် အပြစ်မဲ့ပြည်သူ ငါးဦးထက်မနည်း ဖမ်းဆီး သတ်ဖြတ်ခံထားရပြီး အိမ်ပေါင်းရာချီ မီးရှို့ဖျက်ဆီးခံခဲ့ရာ လူဦးရေထောင်နှင့်ချီ ထွက်ပြေးတိမ်းရှောင်နေရသည်။
