တော်လှန်ရေးအင်အားစုများက အကြမ်းဖက်စစ်ကောင်စီဦးစီးကျင်းပမည့် သင်္ကြန်ပွဲတော်ကို မပါဝင်ရန် တောင်းဆိုနေကြချိန်တွင် ပြည်သူများ၏ သပိတ်မှောက်မှုရင်ဆိုင်နေရဆဲ မြန်မာပလာဇာက သင်္ကြကာလအတွင်း ပွဲဈေးတန်းတစ်ခုကို ဖွင့်လှစ်ထားကြောင်း ၎င်း၏ လူမူကွန်ယက်စာမျက်နှာတွင် ကြေညာသည်။
၂၀၂၁ နိုဝင်ဘာ ၂၅ ရက်တွင် စစ်အာဏာသိမ်းမှုကို ဆန့်ကျင်ဆန္ဒပြသည့် လူငယ်များကို မြန်မာပလာဇာလုံခြုံရေးဝန်ထမ်းများက ထိုးကြိတ်ဖမ်းဆီးပြီးရဲလက်အပ်ရန်ကြိုးစားခဲ့သည်။ ထိုကြောင့် မြန်မာပလာဇာကို ပြည်သူများနှင့် ပလာဇာရှိ ဆိုင်ရှင်များနှင့် ဈေးဝယ်သူများက ယခုချိန်ထိ့သပိတ်မှောက်ထားဆဲဖြစ်သည်။ထိုဖြစ်ရပ်ဖြစ်ပြီးနောက်ပိုင်း မြန်မာပလာဇာသည်ခြောက်ကပ်သွားပြီး ယခုနောက်ပိုင်းဆိုင်များပြန်ဖွင့်သော်လည်း ပြည်သူအများစုကသပိတ်မှောက်ထားဆဲဖြစ်သည်။
မြန်မာပြည်သူများ၏ လူမှုရေးပြစ်ဒဏ်ခတ်မှုခံထားရသည့် မြန်မာပလာဇာက စစ်ကောင်စီက ကျင်းပမည့် သင်္ကြန်ပွဲတော်ကို ယခု ထပ်မံပါဝင်လိုက်ခြင်းဖြစ်သည်။
မြန်မာပလာဇာ အပြင်ဘက်ရေပန်းဧရိယာတွင် ညနေ ၄နာရီခွဲမှာ ည ၈နာရီအထိ ဧပြီ ၁ ရက်မှာ စတင်ပြီး သင်္ကြန်အပြီး နှစ်ဆန်းတစ်ရက် (ဧပြီ ၁၇ ရက်) အထိပြုလုပ်သွားမည်ဟုကြော်ငြာထားသည်။
Public Service Announcement
Nite Market ဟုအမည်ပေးထားသည့် ထိုဈေးတန်းတွင် အစားအသောက်များရရှိမည့်အပြင် Unplugged တေးဂီတများလည်းနားဆင်နိုင်မည်ဟုဆိုသည်။ကလေးများဆော့ကစားနိုင်မည့် သင်္ဘောပုံရဲတိုက် Bouncing Castleဖန်တီးထားပေးထားပြီး ဂီတကို ဝါသနာပါသူတိုင်း ကိုယ်တိုင်ဝင်ရောက်သီဆိုနိုင်ရန်လည်း စီစဉ်ထားသည့်ဟု မြန်မာပလာဇာက ယနေ့တွင်၎င်းတို့၏ ဖေစ်ဘွခ်စာမျက်နှာတွင်ထုတ်ပြန်ထားသည်။
“လူထုကသပိတ်မှောက်ကန့်ကွက်ထားတဲ့ ပလာဇာက စစ်ကောင်စီကျင်းပမယ့် သင်္ကြန်မှာ အခုလို အားတတ်သဘောပါဝင်ပေးတာ။ တော်လှန်ရေးရဲဘော်တွေကို စိန်ခေါ်ရာရောက်ပါတယ်။”ဟု ရန်ကင်းမြို့တွင်နေထိုင်သူတစ်ဦးကပြောသည်။
စစ်ကောင်စီဦးဆောင်းကျင်းပသည့် သင်္ကြန်ကို မပါဝင်ရန် နှိုးဆော်ထားသည့်အတိုင်းလူထုအနေဖြင့် စစ်ကောင်စီ သင်္ကြန်ပွဲများနှင့်ခပ်ဝေးဝေးနေသင့်သည်ဟုလည်း ၎င်းကဆက်ပြောသည်။
“ဘာလဲ အဲ့တာတွေနဲ့ဆွဲဆောင်ပြီး အဖမ်းခိုင်းမို့မဟုတ်လား ဘောမပလာစတာရဲ့ ” ဟု ပြည်သူတစ်ဦးက မြန်မာပလာဇာကြော်ငြာအောက်တွင် မှတ်ချက်ပေးထားသည်။
အခြားပြည်သူတစ်ဦးကလည်း “မမေ့လိုက်ကြနဲ့နော် ဘောမပလာဇာ”ဟုမှတ်ချက်ပြုထားသည်။
မြန်မာပလာဇာသည် ဗီယက်နိုင်ငံမှ ဟောင်အင်ဂရီလာအုပ်စုကရင်းနှီးမြှပ်နှံဖွင့်လှစ်ထားခြင်းဖြစ်သည်။
