အထွေထွေသပိတ် ပေါင်းစပ်ညှိနှိုင်းရေးအင်အားစု(GSCB) နှင့် မြန်မာနိုင်ငံဘဏ် ဝန်ထမ်းများ သမဂ္ဂ(MBU)တို့သည် ပြီးခဲ့သည့် ဧပြီ ၂ ရက်တွင် မဟာမိတ်အဖွဲ့များအဖြစ် သဘောတူခဲ့ပြီး စစ်အာဏာရှင် အမြစ်ချေမှုန်းမည့် အကြမ်းမဖက်လှုပ်ရှားမှုများတွင် အတူတူတကွပူးပေါင်းဆောင်ရွက်သွားမည်ဟု ထုတ်ပြန်သည်။
GSCB သည် စစ်အာဏာရှင်အမြစ်ပြတ်ချေမှုန်ရေးအတွက် နိုင်ငံရေးမူ(၄) ချက်ဖြင့် ရည်မှန်းချက် ပန်းတိုင်ရောက်အောင် စဉ်ဆက်မပြတ် လှုပ်ရှားနေပြီး တော်လှန်ရေးအတွင်း မိမိတို့၏ နိုင်ငံရေးရည်မှန်းချက်၊ ရည်ရွယ်ချက်နှင့် စံတန်ဖိုးများနှင့် သွေဖည်ခြင်းမရှိသော အင်အားစုများနှင့် ပူးပေါင်းဆောင် ရွက်နေကြောင်း ထုတ်ပြန်သည်။