စစ်တပ်အာဏာသိမ်းပြီးတဲ့နောက်ပိုင်း လက်နက်ကိုင်ပဋိပက္ခတွေနဲ့မလုံခြုံမှုတွေကြောင့် အိုးအိမ်စွန့်ခွာပြေးရသူဦးရေဟာ ၅သိန်း ၆ သောင်းကျော်ရှိလာပါပြီ။
ဒီစာရင်းဟာ ၂၀၂၁ခုနှစ် ဖေဖော်ဝါရီလနောက်ပိုင်းကနေ ဒီနှစ် ဧပြီလ ၁၁ ရက်နေ့အထိဖြစ်တယ်လို့ ကုလသမဂ္ဂလူသားချင်းစာနာမှုဆိုင်ရာညှိနှိုင်းရေးရုံး က အသိပေးထုတ်ပြန်လာတာပါ။
အိုးအိမ်စွန့်ခွာပြေးရတဲ့ဒေသတွေထဲမှာ ချင်းပြည်နယ် ၊စစ်ကိုင်တိုင်းနဲ့မကွေးတိုင်း က အများဆုံးဖြစ်တယ်လို့သိရပါတယ်။
အဲဒီ ဒေသတွေမှာတင် စွန့်ခွာရသူဦးရေဟာ ၃ သိန်းကျော်သွားခဲ့ပါတယ်။
Public Service Announcement
ကုလသမဂ္ဂကသွားလာခွင့် စိန်ခေါ်မှုအကြပ်အတည်းတွေကြားထဲကနေ နေရပ်စွန့်ခွာလာရသူတွေကို အကူအညီတွေပေးနေတယ်လို့ဆိုပါတယ်။
စစ်ကောင်စီဟာ သူတို့ကို ခုခံတွန်းလှန်မှုအမြင့်ဆုံးဖြစ်နေတဲ့ ချင်းပြည်နယ် ၊စစ်ကိုင်းနဲ့ မကွေး ကို စစ်ဆင်ရေးလုပ်နေတာလည်းဖြစ်ပါတယ်။
ဒီလို စစ်ဆင်ရေးမှာ ကျေးရွာတွေကိုမီးရှို့ပစ်တာ ၊ဒေသခံပြည်သူတွေကို သတ်ဖြတ်တာတွေလည်းရှိနေပါတယ်။
