သာယာဝတီခရိုင် PDFတပ်ရင်းမှ အကြမ်းဖက်စစ်ကောင်စီတပ်စစ်ကြောင်းကို မိုင်းခွဲတိုက် ခိုက်ခဲ့ကြောင်း ပဲခူးတိုင်းစစ်ဒေသခွဲမှ ယနေ့ (ဧပြီ ၂၃)ထုတ်ပြန်သည်။
ယနေ့နံနက် ၈ နာရီခန့်က နတ္တလင်းမြို့နယ် ဂွေ့ကြီးရွာနှင့် ကျောက်ပြုတ်ကျေးရွာကြား စစ်ကြောင်းထိုးလာသော စစ်ကောင်စီတပ်အား သာယာဝတီခရိုင် PDF တပ်ရင်း (၃၈၀၁) တပ်ခွဲ (၃)မှ MRF တပ်ဖွဲ့များက မိုင်းခွဲတိုက်ခိုက်ခဲ့ခြင်းဖြစ်ကြောင်း ထုတ်ပြန်ချက်တွင် ဖော်ပြ သည်။
တိုက်ခိုက်ခံရမှုကြောင့် စစ်ကောင်စီစစ်ကြောင်းမှ စကစအဖွဲ့ဝင် ငါးဦးသေဆုံးပြီး အချို့အပြင်းအထန်ဒဏ်ရာရှိခဲ့သည်ဟု ထုတ်ပြန်သည်။
ပဲခူးတိုင်း PDF တပ်ရင်းများအနေဖြင့် စစ်ကောင်စီအဖွဲ့ဝင်များနှင့် ၎င်းတို့၏ ယန္တရားများကို တိုးမြှင့်တိုက်ပွဲဖော်ဆောင်နေပြီဖြစ်သောကြောင့် ပြည်သူများအနေဖြင့် စစ်ကောင်စီနှင့် ပူးပေါင်းဆောင်ရွက်ခြင်းများ မပြုလုပ်ကြပါရန် အလေးနက်တိုက်တွန်းထားသည်။
Public Service Announcement
