▪️ပြဿနာပေါ်ပေါက်လာပါက ဆက်သွယ်နိုင်ဟုဆို
ဂန့်ဂေါမြို့နယ် ပြည်သူ့အုပ်ချုပ်ရေးအဖွဲ့(ပအဖ)သည် ပြည်သူများ၏ စားဝတ်နေရေး အဆင်ပြေစေရေးအတွက် ဆန်စပါးနှင့်ကုန်စည်အချို့ ဈေးနှုန်းများကို နေ့စဉ်နှင့်အမျှ စောင့်ကြည့်ထိန်းညှိလျက်ရှိသော် လည်း ပြည်သူ့အကျိုးစီးပွားထိခိုက်နိုင်သည့် ပိတ်ပင်မှုများကိုဆောင်ရွက်မည်မဟုတ်ကြောင်း အသိပေးအပ်သည်ဟု ဂန့်ဂေါ(ပအဖ)က ယမန်နေ့တွင် ထုတ်ပြန် သည်။
စစ်ဘေးရှောင်ပြည်သူများ၊ မီးဘေးသင့်ပြည်သူများနှင့်သာမန်ပြည်သူများ၏ အကျိုးအတွက် ထိန်းညှိမှုများ ဆောင်ရွက်ရသည်ကို နားလည်ကြစေလို သည်ဟုလည်း ဖော်ပြထားသည်။
ဈေးနှုန်းထိန်းညှိရေးအတွက် ပြည်သူ့ကာကွယ်ရေးအဖွဲ့များက ညှိနှိုင်းစစ်ဆေးဆောင်ရွက်သည်များကို ပြည်သူများအနေဖြင့် အပြည့်အဝပူးပေါင်းဆောင်ရွက် လိုက်နာကြရန် ဂန့်ဂေါ(ပအဖ)က မေတ္တာရပ်ခံ တိုက်တွန်းသည်။
Public Service Announcement
သက်ဆိုင်ရာကချမှတ်သည့် စည်းမျဉ်းစည်းကမ်းများကို ချိုးဖောက်ပါက အရေးယူခံရနိုင်သည်ကိုလည်း သတိပေးထားပြီး ပြဿနာတစ်စုံတစ်ရာ ပေါ်ပေါက်ပါက သက်ဆိုင်ရာ ပြည်သူ့ကာကွယ်ရေးတပ်ဖွဲ့ နှင့် ဂန့်ဂေါမြို့နယ်-ပြည်သူ့အုပ်ချုပ်ရေး အဖွဲ့တို့ထံ ဆက်သွယ်နိုင်ပါကြောင်း ထုတ်ပြန်သည်။
မကွေးတိုင်း ဂန့်ဂေါမြို့နယ်ကို စစ်ကောင်စီတပ်များ မကြာခဏ ထိုးစစ်ဆင် ဝင်ရောက်ကာ ဒေသတွင်းရှိ ကျေးရွာများစွာကို မီးရှို့ဖျက်ဆီးမှု များလုပ်ဆောင်ခဲ့သည်။ စစ်ကောင်စီတပ်၏ အကြမ်းဖက်မှုများကြောင့် ပြည်သူလူထုအများအပြား ထွက်ပြေးတိမ်းရှောင်နေကြရပြီး အခက်အခဲများစွာ ကြုံနေရသည်။
