စစ်ကောင်စီ ထိုးစစ်အရှိန်မြှင့်လာသော တနင်္သာရီတိုင်း၌ KNDOနှင့် ထားဝယ်ခရိုင်ပြည်သူ့ကာကွယ်ရေးတပ်ဦးတို့ ပူးပေါင်း

အကြမ်းဖက်စစ်ကောင်စီ၏ ထိုးစစ်အရှိန်မြှင့်တင်လာသော တနင်္သာရီတိုင်း၌ ကရင်အမျိုးသားကာကွယ်ရေးတပ်ဖွဲ့ (KNDO)နှင့် ထားဝယ်ခရိုင်ပြည်သူ့ကာကွယ်ရေးတပ်ဦးတို့ ပူးပေါင်းလိုက်ကြောင်း ထုတ်ပြန်သည်။

“ပူးပေါင်းလိုက်တာက ကျွန်တော်တို့တွေ ပိုပြီးခိုင်မာတောင့်တင်းလာမယ်။ပြီးတော့ ဒီမိုကရေစီ ပြန်ရဖို့ကိုပဲ ဦးတည် တိုက်ခိုက်သွားမှာဖြစ်တယ်”ဟု ထားဝယ်ခရိုင်ပြည်သူ့ကာကွယ်ရေးတပ်ဦးက ပြောသည်။

လက်ရှိစစ်ရေးအခြေအနေအရ ထားဝယ်ခရိုင်အတွင်းရှိ ပြည်သူများအနေဖြင့် ထားဝယ်-ထီးခီး လမ်းပိုင်းကို ည ၇ နာရီမှ နံနက် ၄ နာရီအတွင်းလုံးဝဖြတ်သန်းသွားလာ အသုံးမပြုရန်လည်း အသိပေးထားသည်။

သတ်မှတ်အချိန်အတွင်း ဖြတ်သွားလာကြစဥ် အကြမ်းဖက်စစ်​ကောင်စီနှင့် ပက်သက်မှုတစ်စုံ တစ်ရာ​သော်လည်း​ကောင်း၊ ​ စစ်​ဆေးခြင်းနှင့် ထုတ်ပြန်ချက်များကို လိုက်နာမှု မရှိခြင်း​သော် လည်း​ကောင်း ​တွေ့ရှိပါက ထိခိုက်မှု တစ်စုံ တစ်ရာအတွက် (လုံးဝ) တာဝန်ယူမည်မဟုတ်ပဲ မသင်္ကာဖွယ်ရာအားလုံးကို ကျွန်ုပ်တို့ “ထားဝယ်ခရိုင်ပြည်သူ့ကာကွယ်​ရေးတပ်ဦး” နှင့် မဟာ မိတ်ပူး​ပေါင်းအဖွဲ့ဖြစ်​​သော “KNDO Special တပ်ရင်း” တို့မှရှင်းလင်းပစ်မည်ဟု ထုတ်ပြန်ချက်၌ ဖော်ပြသည်။

Public Service Announcement

ဧပြီ ၁၈ ရက်ကစ၍ တနင်္သာရီတိုင်း အတွင်း စစ်ကြောင်းလေးခုဖြင့် စစ်ထိုးရန်နှင့် ရွာသူ၊ရွာသားများကို လိုအပ်ပါက အကြမ်းဖက်ရှင်းလင်းရန် အကြမ်းဖက်စစ်ကောင် စီ၏ ညွှန်ကြားစာထွက်ရှိထားသည်။

အဆိုပါ ညွှန်ကြားစာထွက်ရှိပြီး နောက်ပိုင်း ထားဝယ်၊​မြိတ်နှင့် ပုလော ဒေသတို့တွင် တိုက်ပွဲများမကြာခဏ ဖြစ်ပွားခဲ့သည်။