Connect with us

Hi, what are you looking for?

LuduNwayOo

News

စစ်ကောင်စီလက်အောက်ခံ ပြည်သူ့စစ်နှင့် ရဲများ နုတ်ထွက်ကြရန် KIO ဆဒုံးမြို့နယ်အုပ်ချုပ်ရေးရုံး ကြေညာ

ပြီးခဲ့သည့် ရက်ပိုင်းအတွင်းက KIO ခရိုင်အုပ်ချုပ်ရေးရုံးများနှင့် မြို့နယ် အုပ်ချုပ်ရေးရုံးများက စစ်ကောင်စီလက်အောက်ခံ ဝန်ထမ်းများ မိမိစိတ်ဆန္ဒအရ နုတ်ထွက်ကြရန် အလေးအနက် တိုက်တွန်းကြောင်း စာများ ထုတ်ပြန်ခဲ့ပြီးနောက် ယခုကဲ့သို့ ပြည်သူ့စစ်နှင့် ရဲများကို နုတ်ထွက်ခိုင်းခြင်းဖြစ်သည်။

▪️ဝန်ထမ်းများ၊ ပြည်သူ့စစ်နှင့် ရဲများနုတ်ထွက်ရန် KIOက ဆက်တိုက်ကြေညာနေသကဲ့သို့ ပြည်သူ့စစ်၊ BGF နှင့် ၂၀၀၈ ဖွဲ့စည်းပုံလက်ခံသည့် ပါတီများကို ရန်သူအဖြစ် အသိပေးထား

ကချင်ပြည်နယ် ဝိုင်းမော်မြို့နယ် ဆဒုံးမြို့နယ်ခွဲ(ကချင်လွတ်လပ်ရေးအဖွဲ့-KIO ဆဒုံးမြို့နယ်) အတွင်းရှိ စစ်ကောင်စီ လက်အောက်ခံ ပြည်သူ့စစ်နှင့် ရဲများအားလုံး ဇွန်လ ၃၀ရက် နောက်ဆုံးထားပြီး နုတ်ထွက်ကြရန် KIO ဆဒုံးမြို့နယ် အုပ်ချုပ်ရေးရုံးက ယမန်နေ့တွင် ကချင်ဘာသာဖြင့် ထုတ်ပြန်ကြေညာခဲ့သည်။

ကြေညာချက်ကို မလိုက်နာဘဲ စစ်ကောင်စီလက်အောက်တွင် ဆက်လက်ရှိနေသူများ၏ နေအိမ်၊ လယ်ယာနှင့် ခြံများကို သိမ်းယူသွားမည်ဖြစ်ကြောင်း ထုတ်ပြန်ချက်တွင် ရေးသားထားသည်ဟု ကချင်သတင်းဌာန Kachinwaves က ဖော်ပြသည်။

ပြီးခဲ့သည့် ရက်ပိုင်းအတွင်းက KIO ခရိုင်အုပ်ချုပ်ရေးရုံးများနှင့် မြို့နယ် အုပ်ချုပ်ရေးရုံးများက စစ်ကောင်စီလက်အောက်ခံ ဝန်ထမ်းများ မိမိစိတ်ဆန္ဒအရ နုတ်ထွက်ကြရန် အလေးအနက် တိုက်တွန်းကြောင်း စာများ ထုတ်ပြန်ခဲ့ပြီးနောက် ယခုကဲ့သို့ ပြည်သူ့စစ်နှင့် ရဲများကို နုတ်ထွက်ခိုင်းခြင်းဖြစ်သည်။

Public Service Announcement

Public Service Announcement

ယခု ဆဒုံးမြို့နယ် အုပ်ချုပ်ရေးရုံးက ထုတ်ပြန်သည့် စာနှင့်ပတ်သက်ပြီး KIO ဗဟိုသတင်းပြန်ကြားရေးတာဝန်ခံ ဗိုလ်မှူးကြီးနော်ဘူထံ ဆက်သွယ်ရာ အဆက်အသွယ်မရပေ။ သို့ရာတွင် ဗိုလ်မှူးကြီးနော်ဘူက အောက်ခြေ အုပ်ချုပ်ရေးအဖွဲ့များ အနေဖြင့် ဒေသလိုအပ်ချက်က ကြေညာချက်များ ထုတ်ပြန်ခဲ့ကြောင်း ပြီးခဲ့သည့် ရက်ပိုင်းအတွင်းက ပြောဆိုထားသည်။

စစ်ကောင်စီ၏ ငြိမ်းချမ်းရေးဆွေးနွေးပွဲကို လက်မခံခဲ့သည့် KIO/KIA အနေဖြင့် အောက်ခြေမှ ယခုကဲ့သို့ ကြေညာချက်များထုတ်ပြန်ခြင်း ထုတ်ပြန်ချက်အတိုင်း လေက်တွေ့ အကောင်အထည်ဖော်ခြင်းများ ပြုလုပ်ပါက နောက်ဆက်တွဲ တင်းမာမှုများစွာ ဖြစ်လာနိုင်သည်ဟု ကချင်ဒေသခံတစ်ဦးက ပြောသည်။

“ဆဒုံးဘက်ခြမ်းက နည်းနည်းတော့ ရှုပ်တယ်။ လက်နက် ကိုင်ပေါင်းစုံရှိနေတယ်။ အဲဒီမှာ တပ်လည်းရှိတယ် BGF အဖွဲ့လည်းရှိတယ်။ ပြည်သူ့စစ်အဖွဲ့တွေလည်း ၂ဖွဲ့၊ ၃ဖွဲ့လောက်ရှိတယ်။ အဲဒီလို ပုံစံမျိုးဖြစ်နေတဲ့အခါကျတော့ KIO အနေနဲ့ သူတို့ရဲ့ လှုပ်ရှားမှု အပေါ်မှာ ပြည်သူ့စစ် ဒူးလေးပါတီဆိုပြီး နောက်ဆုံး ပြန်ပေါ်လာတယ်လေ။ အဲဒီလိုဖြစ်တဲ့အခါကျတော့လည်း သူတို့ အနေနဲ့ ပြည်သူ့စစ်မလုပ်ခိုင်းစေချင်ဘူး။ အဲဒါ ပြောတာကို သူတို့ကလည်း ပေါ်ပေါ်တင်တင်နဲ့လှုပ်ရှားမှုနဲ့ များလာတဲ့အပေါ် KIA အနေနဲ့ သတိပေးတဲ့ သဘောလို့ မြင်တယ်” ဟု ကချင်ဒေသခံက ပြောသည်။

လက်ရှိအချိန်တွင် စစ်ကောင်စီကို တစ်နိုင်ငံလုံးရှိ ပြည်သူများက အမြစ်ပြတ် ချေမှုန်းရန် လုပ်ဆောင်နေချိန်တွင် ကချင်ပြည်နယ်တွင် ပြည်သူ့စစ်ဖွဲ့စည်းမှုများ လုပ် ဆောင်နေသည့်အပေါ် KIO/KIAက ကြိုတင် သတိပေးခြင်းလည်းဖြစ်သည်ဟု ၎င်းက ဆိုသည်။

“စစ်ကောင်စီရဲ့ လက်ကိုင်တုတ်ပုံစံမျိုး ပြန်ဖြစ်တဲ့အခါကျတော့ သူတို့ကို မပြောဘဲ လုပ်လို့ရှိရင် သူတို့လည်း လူမျိုးရေးတို့ ဖြစ်လာမှာစိုးလို့ ကြိုတင်အသိပေးတယ်။ အသိပေးပြီး ခင်ဗျားတို့အနေနဲ့ ရပ်တန်းက ရပ်တန့်ပေါ့ မရပ်တန့်ဘူးဆိုရင် ခင်ဗျားတို့အနေနဲ့ ဒီလို သတ်မှတ်လိုက်မယ် နောက်ဖြစ်လာတဲ့ ပြဿနာ ကျွန်တော်တို့ကို အဆိုးမဆိုနဲ့ ဆိုတဲ့ ပုံစံမျိုး လုပ်တာထင်တယ်”ဟု ကချင်ဒေသခံက KIO အုပ်ချုပ်ရေး အဖွဲ့များ၏ ကြေညာချက်များနှင့်ပတ်သက်ပြီး သုံးသပ်ပြောကြားသည်။

KIO/KIA သတင်းပြန်ကြားရေးဌာနကလည်း ပြီးခဲ့သည့် ရက်အနည်းငယ်က ပြည်သူ့စစ်၊ နယ်ခြားစောင့်တပ် (BGF)၊ ၂၀၀၈ ဖွဲ့စည်းပုံအခြေခံဥပဒေ လက်ခံသည့် နိုင်ငံရေးပါတီ များအပေါ်ထားရှိသည့် သဘောထားကို သတင်းဖော်ပြခဲ့သည်။ ပြည်သူ့စစ်နှင့် BGFများကို စစ်ရေးအရ ရန်သူအဖြစ်လည်းကောင်း၊ ၂၀၀၈ ဖွဲ့စည်းပုံအခြေခံဥပဒေ လက်ခံသည့် နိုင်ငံရေးပါတီများကို နိုင်ငံရေးအရ ရန်သူအဖြစ်သတ်မှတ်ကြောင်း KIO/KIA သတင်းပြန်ကြားရေးက ဖော်ပြခဲ့သည်။

ဆက်စပ်သတင်းများ

မေးမြန်းခန်း

အာဏာသိမ်းစစ်​ကောင်စီအ​ပေါ် ပတ္တနိက္ကုဇ္ဇန ကံဆောင်သပိတ် စတင်ပြုလုပ်ရခြင်းနှင့်ပတ်သက်၍ သပိတ်ဦးဆောင်ရာတွင်ပါဝင်သည့် ချောင်းဦးဆရာတော်နှင့် လူထုနွေဦး၏ ​မေးမြန်းခန်းကို ဖော်ပြလိုက်ပါသည်။

သတင်း

တအာင်းဒေသ လက်ရှိ စစ်ရေး၊နိုင်ငံရေး အခြေအနေများနှင့်ပတ်သက်ပြီး ဗိုလ်ချုပ်တားဘုန်းကျော်၏ ပြောကြားချက်များကို TNLA သတင်းပြန်ကြားရေးဌာနက ဖော်ပြခဲ့ခြင်းဖြစ်သည်။

သတင်း

ပတ္တနိက္ကုဇ္ဇန ကံဆောင်သပိတ်အား ယမန်နေ့ (ဇွန်လ ၂၃ ရက်​)တွင် စစ်ကိုင်းတိုင်း၊ ချောင်းဦးမြို့နယ်တနေရာရှိ ဘုရားတစ်ဆူတွင် သံဃာတော်များစုဝေး၍ စတင်ပြုလုပ်ခဲ့သည်။

မေးမြန်းခန်း

ပင်လောင်းမြို့နယ်အတွင်း စစ်ဘေးရှောင်အရေးကူညီနေသည့် Kayan Rescue Committee မှ ကိုချမ်းအေးကို လူထုနွေဦး(People's Spring )က ဆက်သွယ်မေးမြန်းထားပါသည်။