▪️စိတ်ခွန်အားပေးခြင်း၊ သတင်းအချက်အလက်ပေးခြင်းနှင့် လက်နက်/ရိက္ခာထောက်ပံ့ခြင်း ပြုလုပ်နိုင်ကြောင်း ထုတ်ပြန်
မကြာတော့သည့်အချိန်တွင် “ဗျူဟာမြောက်တိုက်စစ်” များ ဖော်ဆောင်လာနိုင်တော့မည်ဖြစ်ကြောင်း ကရင်အမျိုးသားအစည်းအရုံး(KNU) တပ်မဟာ(၁) ဦးဆောင်သည့် မိတ်ဖက်ကြီးကြပ်ကွပ်ကဲရေးကော်မတီက ယနေ့ ထုတ်ပြန်သည်။
“ဟုတ်ပါတယ် ။ ကျွန်တော်တို့ ကြေညာချက်တစ်ခုထွက်ထားပါတယ်”ဟု မိတ်ဖက်ကြီးကြပ်ကွပ်ကဲရေး ကော်မတီတာဝန်ရှိသူတစ်ဦးက ပြောကြားသည်။
သထုံခရိုင် တော်လှန်လူထုသို့ပေးစာကို ယနေ့ ထုတ်ပြန်ခဲ့ရာ ကော်မတီအနေဖြင့်တော်လှန်ရေးလုပ်ငန်းစဉ်များအား သိုသိပ်စွာဆောင်ရွက်ခဲ့ကြောင်း၊ ယခု အခါ “ဗျူဟာမြောက်ခုခံစစ်”အဆင့်အား လွန်မြောက်၍ စခန်းသိမ်း တိုက်ပွဲနှင့် နယ်မြေစိုးမိုးရေးတိုက်ပွဲများဆင်နွဲလာန် နိုင်သည့် “ဗျူဟာမြောက်မျှခြေ”အဆင့်သို့ တက်လှမ်းလာနိုင်ပြီဖြစ်ပြီးဖြစ်၍ မကြာတော့သည့်အချိန်တွင် “ဗျူဟာမြောက်တိုက်စစ်”များဖော်ဆောင်လာနိုင်တော့မည်ဖြစ်ကြောင်း သတင်းကောင်း ပါးအပ်သည်ဟု ဖော်ပြထားသည်။
တော်လှန်လူထုအနေဖြင့် မိတ်ဖက်ရဲဘော်များခွန်အားဖြစ်စေမည့်စကားသော်လည်းကောင်း၊ အရေးကြီးသတင်းအချက်အလက်များအားသော်လည်းကောင်း(ဥမမာ-စစ်အုပ်စုနှင့်ဒေါက်တိုင်များ၏ လူပ်ရှားသွားလာမှု ကြိုတင်သိရှိရေး)၊လက်နက်၊ခဲယမ်းစသည်များအားလည်းကောင်း ကော်မတီသို့ဆက်သွယ်ထောက်ကူနိုင်ကြောင်းကော်မတီက အသိပေးနှိုးဆော်ထားသည်။
ယခု မိတ်ဖက်ကော်မတီကို ၂၀၂၁ နိုဝင်ဘာက ဖွဲ့စည်းထားခြင်းဖြစ်ပြီး KNU/KNLA မှ မြို့နယ်ဥက္ကဌများ နှင့်တပ်မှုးများ၊ ပြည်ထောင်စုလွှတ်တော်ကိုယ်စားပြုကော်မတီ (CRPH)/အမျိုးသားညီညွတ်ရေးအစိုးရ (NUG)မှ ကိုယ်စားလှယ်များ ကျန်အဖွဲ့စည်းများမှ ကိုယ်စားလှယ်များပါဝင်ပြီး ဆုံးဖြတ်ချက်များအားစုပေါင်းချမှတ်၍ စုပေါင်းတာဝန်ခံသည့်စနစ်ဖြင့် ဆောင်ရွက်လျှက်ရှိသည်။
ကရင်အမျိုးသားလွတ်မြောက်ရေးတပ်မတော်(KNLA) တပ်မဟာ(၁)၊ KNU သထုံခရိုင်၏နယ်မြေမှာစစ်တောင်းတံတားမှ သံလွင်တံတား(မော်လမြိုင်)နှင့်သံလွင်တံတား(ဘားအံ)အကြားရှိ နယ်မြေဒေသဖြစ်ကြောင်း အသိပေးထားသည်။