ဂန့်​ဂေါနယ်ရှိ ရွာနှစ်ရွာကို စစ်​ကြောင်းထိုးလာသည့် စစ်အုပ်စု တိုက်ခိုက်ခံရ၊ စစ်​ကောင်စီတပ်သား ၂၀ခန့်​သေ

ဂန့်ဂေါမြို့နယ်၊ ရဲလှရွာမှမွှေ့လယ်ရွာသို့ စစ်ကြောင်းထိုးလာသော စစ်ကောင်စီတပ်ကို ပြည်သူ့ကာကွယ်ရေးတပ်များပူးပေါင်းတိုက်ခိုက်ရာ စစ်ကောင်စီနှင့် ပျူစောထီး ၂၀ဦးခန့် သေဆုံးကြောင်းပြည်သူ့ကာကွယ်ရေးတပ်ဖွဲ့ – ဂန့်ဂေါတပ်ရင်း(ယောဒေသ)က ထုတ်ပြန်သည်။

တိုက်ခိုက်မှုဖြစ်စဥ်များမှာ ယမန်နေ့(ဇွန် ၈ ရက်) နံနက် ၇ နာရီခန့်တွင် အင်အား ၁၅၀ခန့်ရှိသည့် စစ်ကောင်စီစစ်ကြောင်းကို အနောက်ပိုင်းတိုင်းစစ်ဒေသ (ခွဲ) တပ်ရင်း(၇၀၁) ၊တပ်ရင်း (၇၀၄)၊တပ်ရင်း(၇၀၆)နှင့် YAW PEOPLE’SDEFENCE FORCE စသည့်ပြည်သူ့ကာကွယ်ရေးတပ်ဖွဲ့များမှ ပူးပေါင်းတိုက်ခိုက်ခဲ့သည်ဟု ဆိုသည်။

ပဒေသာမိုင်းများ၊ လက်နက်ကြီး၊လက်နက်ငယ်များအပါအဝင် ဒရုန်းများဖြင့် နံနက် ၈နာရီခွဲခန့်အထိ အချိန် ၁နာရီခွဲ အကြာတိုက်ခိုက်ခဲ့ရာ စစ်ကောင်စီနှင့် ပျူစောထီး ၁၅ဦးခန့် သေဆုံးပြီး ထိခိုက်မှုအများအ ပြားရှိသည်ဟု အသိပေးသည်။

ထို့နောက် အထက်ပါစစ်ကြောင်းသည် မွှေ့လယ်ရွာမှ ရေရှင်ရွာသို့ ညနေ ၃ နာရီခန့်တွင် ပြန်လည်ထွက်ခွာလာသည်ကိုထပ်မံတိုက်ခိုက်ရာ စစ်ကောင်စီနှင့် ပျူစောထီး ငါးဦးခန့် သေဆုံး ကြောင်း ဖော်ပြသည်။

Public Service Announcement

ပြည်သူ့ကာကွယ်ရေးတပ်သားများမှာအထိ အခိုက်မရှိ ဆုတ်ခွာနိုင်ခဲ့ပြီးထပ်မံ၍တိုက်ပွဲများဖြစ်ပွားနိုင်သောကြောင့်ပြည်သူများအနေဖြင့်သတိပြုနေထိုင်ရန်လည်း ဂန့်ဂေါတပ်ရင်း(ယောဒေသ)က တိုက်တွန်းသည်။

စစ်ကောင်စီတပ်သည် ဂန့်ဂေါမြို့နယ်အတွင်း မြေပြင်၊ ဝေဟင်များအသုံးပြုကာ မေလအတွင်း အင်အားတိုးချဲ့ပြီးနောက် ယခုလဆန်းပိုင်းမှစ၍ စစ်ကြောင်း သုံးခု ထက်ဖြင့်ဒေသတွင်စစ်ထိုး လျက်ရှိသည်။

“အခုက ဂန့်ဂေါ မြောက်ပိုင်း၊တောင်ပိုင်းနဲ့ အနောက်ပိုင်းကို စစ်ထိုးနေတာ။မနေ့က မြောက်ပိုင်းနဲ့ တောင်ပိုင်းကပြည်သူတချို့ကိုအကြောင်းမဲ့သတ် ဖြတ်သွားတယ်လို့ လောလောဆယ် သိရတယ်”ဟု ဂန့်ဂေါမြို့နယ်ပြည်သူ့ကာကွယ်ရေးတပ်ဖွဲ့ဝင်တစ်ဦးက ပြောသည်။

ထို့ကြောင့် ထိတွေ့တိုက်ပွဲများအချိန်မရွေးဖြစ်ပွားနိုင်သဖြင့် ဂန့်ဂေါ-ထီးလင်း နှင့် ဂန့်ဂေါ-အိုက္ကား လမ်းပိုင်းများကိုအသုံးမပြုရန် PDF-GANGAW-တောင်ပိုင်း ပြည်သူ့ကာ ကွယ်ရေးတပ်ဖွဲ့က ယမန်နေ့က ထုတ်ပြန်ထား သည်။