▪️ကျောင်းသား၊ ကျောင်းသူနှင့် ပြည်သူများ ထောင်နှင့်ချီ၍ လာရောက်အားပေး
စစ်ကိုင်းတိုင်း ယင်းမာပင်ခရိုင်အတွင်းရှိ ကျေးရွာတစ်ရွာတွင် အမျိုးသားညီညွတ်ရေးအစိုးရ (NUG)၏ ပညာရေးဝန်ကြီးဌာနက ဦးဆောင်၍ မိုးရာသီ အားကစားပြိုင်ပွဲကို ယနေ့ (ဇွန်လ ၁၄) ကျင်းပပြုလုပ်ခဲ့သည်။
အဆိုပါ အားကစားပြိုင်ပွဲကို NUG ကြားကာလ ပညာရေးစာသင်ကျောင်းများမှ ကျောင်းသား၊ ကျောင်း သူများနှင့် ပြည်သူများ ထောင်နှင့်ချီ၍ လာရောက် အားပေးခဲ့ကြကြောင်း သိရသည်။
“ ယင်းမာပင်ခရိုင်အတွင်းက တော်လှန်ခြင်းရဲ့ ရောင်နီနဲ့အတူ မျိုးဆက်သစ်လေးများရဲ့ အနာဂတ်၊ တော်လှန်ခြင်းရဲ့ အသီးအပွင့် တွေကိုမြင်ရတာ ကျေနပ်ပီတိ ဖြစ်မိပါတယ်။ လွတ်မြောက်ခြင်းရဲ့အစကနေ အလုံးစုံ လွတ် မြောက်ခြင်းအတွက် နိုင်ရာကနေ တော်လှန်ကြဦးစို့ ” ဟု ယင်းမာပင်- ဆားလင်းကြီး ရွာပေါင်းစုံသပိတ်ကော်မတီဝင်တစ်ဦးက ယင်းအားကစားပြိုင်ပွဲနှင့် ပတ်သက်၍ ရေးသားဖော်ပြထားသည်။
