ပြည်သူများက လှူဒါန်းပေးသော အလှူငွေများအား ပွင့်လင်းမြင်သာမှုရှိစေရန် ဘဏ္ဍာရေးရှင်းတမ်းပြုလုပ်ကြောင်း ပြည်သူ့ကာကွယ်ရေးတပ်-ဒီးမော့ဆို(DMO -Local PDF)က ယနေ့ (ဇူလိုင် ၁ ရက်)တွင် ထုတ်ပြန်သည်။
နှစ်ပတ် ၁ ကြိမ်နှင့် တစ်လ ၂ ကြိမ် အလှူရှင်များမှ စေတနာသဒ္ဒါတရားထက်တန်စွာဖြင့်လှူဒါန်းပေးသော အလှူငွေများအား ပွင့်လင်းမြင်သာမှုရှိစေရန်အတွက် တပ်ရင်းတပ်ဖွဲ့များ တွေ့ဆုံခဲ့သည်ဟု ဆိုသည်။
ရရှိလာသော ဘဏ္ဍာငွေများကို လက်နက်၊ခဲယမ်းဝယ်ယူခြင်း၊ ပြည်သူလူထုအား ကျန်းမာရေးစောင့်ရှောက်မှုပေးခြင်းနှင့် စားနပ်ရိက္ခာအတွက် အဓိကထားပြီးသုံးစွဲလျက်ရှိကြောင်း ဖော်ပြ သည်။
“ကျွန်တော်တို့ DMO PDF အနေနဲ့ တပ်ရင်းအလိုက် ဘယ်ကဏ္ဍမှာ ဘယ်လို သုံးစွဲနေတယ်။ ပြီးတော့ ဘယ်လောက်ရှိလဲဆိုတာ ပွင်းလင်းမြင်သာစွာနဲ့ အရင်ကတည်းက ဆောင်ရွက်နေတာ။ဒါပေမယ့် အခုကတော့ ပြည်သူလူထုကို ထပ်ပြီး ချပြတာပါ”ဟု အဆိုပါတပ်ဖွဲ့တာဝန်ရှိသူ တစ်ဦးက People’s Springသို့ပြောသည်။
ထို့ကြောင့် ပြည်တွင်း၊ပြည်ပရှိ ပြည်သူလူထုများမှ လှူဒါန်းပေးသော အလှူငွေများအား အလေအလွင့်မရှိစေရေး စိစစ်ဆောင်ရွက်လျက်ရှိသည်ဟု အသိပေးသည်။