Connect with us

Hi, what are you looking for?

LuduNwayOo

သတင်း

အရာတော်မြို့နယ် ငွေတွင်းရွာရှိ အကြမ်းဖက်စစ်အုပ်စုအား အနောက်မြောက်တိုင်းမဟာမိတ် PDF တပ်ပေါင်းစု တိုက်ခိုက်

အရာတော်မြို့နယ်၊ ငွေတွင်းကျေးရွာသည် ပျူစောထီးကြီးစိုးရာ ရွာတစ်ရွာဖြစ်ပြီး ယင်းရွာ၌ တပ်စွဲထားသော စစ်ကောင်စီတပ်နှင့်ပေါင်းကာ အရာတော်နယ်အတွင်း ကျေးရွာများအား အကြမ်းဖက်မှုများ လုပ်ဆောင်နေသည်။

အရာတော်မြို့နယ် ငွေတွင်းရွာ
အရာတော်မြို့နယ် ငွေတွင်းရွာ

စစ်ကိုင်းတိုင်း၊ အရာတော်မြို့နယ် ငွေတွင်းကျေးရွာရှိ အကြမ်းဖက်စစ်ကောင်စီတပ်နှင့် ပျူစောထီးများအား သွားရောက်တိုက်ခိုက်ရာ အကြမ်းဖက်စစ်အုပ်စုမှ နှစ်ဦးထက်မနည်းသေဆုံးနိုင်ကြောင်း အနောက်မြောက်တိုင်းမဟာမိတ် PDF တပ်ပေါင်းစုက သတင်းထုတ်ပြန်သည်။

အနောက်မြောက်တိုင်းမဟာမိတ် PDF တပ်ပေါင်းစု အင်အားသုံးပုံတစ်ပုံခန့်သည် ဇူလိုင် ၂ရက် နံနက် ၅ နာရီခန့်က မြောင်မြို့နယ်တော်လှန်ရေးတပ်(MRA) နယ်မြေခံတော်လှန်ရေးအင်အားစုများနှင့် လက်တွဲ၍ အရာတော်မြို့နယ် ငွေတွင်းကျေးရွာတွင်တပ်စွဲထားသော အကြမ်းဖက်စစ်တပ်နှင့် ရွာခံပျူစောထီးများကို တိုက်ခိုက်ခဲ့ခြင်းဖြစ်ကြောင်း မဟာမိတ်တပ်ပေါင်းစု၏ ထုတ်ပြန်ချက်တွင် ဖော်ပြသည်။

လက်နက်ကြီး၊လက်နက်ငယ်များဖြင့် ပစ်ခတ်တိုက်ခိုက်ခဲ့ပြီး စစ်စစ်အုပ်စုမှ နှစ်ဦးသေဆုံးပြီး ထိခိုက်ဒဏ်ရာရသူအများအပြားရှိသည်ဟု ဆိုသည်။

တိုက်ပွဲဖြစ်ပွားချိန်အတွင်း စစ်ကောင်စီတပ်သည် လက်နက်ကြီးရှိနိုင်မည့် နေရာကိုသာ ဦးစားပေး ပစ်ခတ်ခဲ့ကြောင်း၊ ရဲဘော်များ အထိအခိုက်မရှိ ပြန်လည်ဆုတ်ခွာနိုင်ခဲ့ကြောင်း မဟာမိတ်တပ်ပေါင်းစုက အသိပေးသည်။

Public Service Announcement

Public Service Announcement

သို့သော် တိုက်ခိုက်ရေးဒရုန်းတစ်စင်း၊ ကင်းထောက်ဒရုန်းတစ်စင်း အပါအဝင်
အထိုင်ချထားသော လက်နက်ကြီးများနှင့် မိုင်းအချိူ့ ဆုံးရှုံးခဲ့ရသည်ဟု မဟာမိတ်တပ်ပေါင်းစုက ဆိုသည်။

ဖြစ်စဥ်နှင့်ပတ်သက်၍ အနောက်မြောက်တိုင်း မဟာမိတ် PDF တပ်ပေါင်းစု တာဝန်ရှိသူက “ငွေတွင်းကျေးရွာမှာက သူတို့နဲ့အမြင်မတူတဲ့သူတွေရွာထဲမနေရဘူးအကုန်ပြေးနေကြရတာပါ။ ငွေတွင်းကျေးရွာတင်မဟုတ်အနီးအနားမှာရှိတဲ့ရွာတွေကိုပါ ဆက်ကြေးကောက်ဓါးပြတိုက်နေကြတာပါ။”ဟု ပြောသည်။

အရာတော်မြို့နယ်၊ ငွေတွင်းကျေးရွာသည် ပျူစောထီးကြီးစိုးရာ ရွာတစ်ရွာဖြစ်ပြီး ယင်းရွာ၌ တပ်စွဲထားသော စစ်ကောင်စီတပ်နှင့်ပေါင်းကာ အရာတော်နယ်အတွင်း ကျေးရွာများအား အကြမ်းဖက်မှုများ လုပ်ဆောင်နေသည်။

ဆက်စပ်သတင်းများ

သတင်း

လွန်ခဲ့သည့်ရက်အနည်းငယ်အတွင်းမှာပင် ဒေသခံပြည်သူ ထောင်နှင့်ချီ၍ တာချ်ခရိုင်၊ မဲဆောက်မြို့နှင့် အခြားဒေသများသို့ ထွက်ပြေးတိမ်းရှောင်ခဲ့ရကြောင်း ဖော်ပြသည်။

သတင်း

အမှတ်(၂)တံတားအနီးရှိ မွေးမြူရေးဇုန်အနီးတွင်လည်း လက်နက်ကြီးကျ‌ရောက် ပေါက်ကွဲခဲ့ကြောင်း ဒေသခံများက ပြောသည်။

သတင်း

တိုက်ခိုက်ခံရပြီးနောက် လျှော်ဖြူကျေးရွာသို့ ရွာကြီးရွာမှ စစ်ကောင်စီတပ်သားများ လာရောက်အင်အားဖြည့်ထားကြောင်း ဒေသခံများက ပြောသည်။

သတင်း

စစ်ကောင်စီတပ်က လေကြောင်းမှ အဆိပ်ငွေ့ဗုံးများ၊ မီးလောင်ဗုံးများအသုံးပြုတိုက်ခိုက်လာကောင်းလည်း ဗိုလ်မှူးက ပြောသည်။ ကျားဖြူစစ်ကြောင်းမှ ရဲဘော်လေးဦးလည်း မစိုးရိမ်ရ ဒဏ်ရာရရှိကြောင်းလည်း ၎င်းက ဆက်ပြောသည်။