လောင်းလုံနှင့်​ရေဖြူ မြိုနယ်မှ ပျူတစ်ဦးနှင့် ​သွေး​သောက်အဖွဲ့ဝင်တစ်ဦးကို PDF များသုတ်သင်ရှင်းလင်း

တနသာ်ရီတိုင်းလောင်းလုံးနှင့် ရေဖြူမြို့နယ်တို့တွင် စစ်​ကောင်စီလက်​အောက်ခံပျူစောထီး တစ်ဦး နှင့် သွေးသောက်အဖွဲ့ဝင် တစ်ဦးတို့ကိုသုတ်သင်ရှင်းလင်းခဲ့ကြောင်း ဒေသခံကာကွယ်ရေးတပ်များကသတင်းထုတ်ပြန်သည်။

သုတ်သင်ခံရသူများမှာ လောင်းလုံးမြို့နယ်၊အောက်ရေဖြူကျေးရွာအုပ်စု၊ ပိန္နဲတောရွာရှိ ပျုစောထီးထွန်းထွန်းဝင်းဆိုသူနှင့် ရေဖြူမြို့နယ်၊ နဘုလယ်ဒေသ၊ မူးဒူးကျေးရွာသား သွေးသောက်အဖွဲ့ဝင် ပိုင်သန်းတို့ကို ယနေ့(ဇူလိုင် ၁၆ ရက်)တွင် မနက် ၆နာရီနှင့် နေ့လယ် ၂နာရီတို့တွင် အသီးသီးသုတ်သင်ရှင်းလင်းခဲ့​ကြောင်း ​ဒေသခံPDF အဖွဲ့များက ထုတ်ပြန်သည်။

ပျူစောထီးထွန်းထွန်းဝင်းသည် ပန်းဒလဲ ကျေးရွာမှပျူခေါင်းဆောင် ငဇော်၏ တပည့်ရင်းတစ်ယောက်ဖြစ်ပြီး ပန်းဒလဲကျေးရွာတွင် ဆက်ကြေးကောက်ခြင်း၊ ဆိုးသွမ်းသောင်းကြမ်းခြင်းနှင့် ဂေါ့အင်း ကျေးရွာသားများ သတ်ဖြတ်မှုတွင်လည်းအကြမ်းဖက် စစ်ကောင်စီတပ်သားများနှင့်အတူပါဝင်သူဖြစ်သည်ဟု ​ဖော်ပြထားသည်။ထို့အပြင်CDMဝန်ထမ်းများ၊ ဆန္ဒပြလူငယ်များ၏ နေအိမ်များကို စစ်ကောင်စီတပ်ကို လိုက်လံပြသပေးသူလည်းဖြစ်သည်ဟုသိရသည်။

ထွန်းထွန်းဝင်းသည်လောင်းလုံးမြို့နယ်အတွင်းလမ်းမတစ်နေရာတွင်ပန်းဒလဲပျူစောထီးကားကို ဒေသခံကာကွယ်ရေးတပ်များ တိုက်ခိုက်ရာတွင် သေနတ်ဒဏ်ရာရရှိခဲ့သော်လည်း အသက်မသေခဲ့​​ပေ။ ယ​နေ့နံနက် ၆ နာရီတွင် ​လောင်းလုံPDF- LLPDFနှင့် Dawei Defense Team-DDT တပ်ခွဲ (၃) တို့ကပူးပေါင်း၍ ၎င်းကိုသုတ်သင်ရှင်းလင်းခဲ့သည်ဟုအသိ​ပေးထားသည်။ အဆိုပါ စစ်ဆင်​ရေး​ဆောင်ရွက်ရာတွင် ​ဒေသခံ PDF များနှင့်လုံးမသက်ဆိုင် ​ကြောင်းလည်းထုတ်ပြန်ထားသည်။

Public Service Announcement

အလားတူ ရေဖြူမြို့နယ်၊ မူးဒူးရွာသား သွေးသောက်အဖွဲ့ဝင် ပိုင်သန်း ဆိုသူအား ဇင်ယော်တပ်ခွဲ( ပကဖ-ရေဖြူ)ရဲဘော်များက ယနေ့ မွန်းလွှဲ ၂ နာရီတွင် သုတ်သင်ခဲ့သည်။ ၎င်းသည် နိုင်ငံရေးတက်ကြွလှုပ်ရှားသူများကို ဖမ်းဆီးရန်လိုက်လံပြလမ်းပြသူတစ်ဦးဖြစ်ပြီး မူးဒူးရွာသား သွေးသောက်အဖွဲ့ဝင် ကံစိုးကို သုတ်သင်ရာတွင်လည်း ရွာသားများကို ကင်းထောက်ပေးသည်ဟူဆိုကာ လုပ်ကြံရန် ကြိုးစားခဲ့သူလည်းဖြစ်သည်ဟု သိရသည်။

​လောင်းလုံ၊ ​ရေဖြူ ၊ထားဝယ်၊ သရက်​ချောင်းစ​သောတနသာ်ရီမှ မြို့နယ်သည် စစ်​ကောင်စီကိုဖြုတ်ချ​ရေးအတွက် ခုခံတွန်းလှန်းမှုအား​ကောင်း​သော​ဒေသများဖြစ်သည်။